MCAB in ATM thar an hawng

Mizoram Cooperative Apex Bank (MCAB) Serchhip Branch in Serchhip Bazar-a pawisa lakchhuahna khawl, ATM an bun thar chu nimin khan mipuite hman theih tura hawn a ni.
Mizoram Cooperative Apex Bank (MCAB) Serchhip Branch in Serchhip Bazar-a C. Lal\huama Building-a Automated Teller Machine (ATM) an bun thar hi Serchhip Kawnpui South Branch YMA President, K. Laldaihvela chuan hawngin Apex Bank ten mipuite mamawh em em ATM an bun leh mipuite hman theih tura hawn a ni ta chu lawmawm a tih thu a sawi a. He ATM hawn thar takah hian Mizo \awng-a thu ziah a nih thu pawh sawiin, hei hi mipuite tan pawh a \angkai lehzualna tur nia a hriat thu a sawi a, MCAB ten an hnathawhna ah YMA te thawhpui atana an sawm chu lawmawm a tih thu sawiin, he an thawhhona ang hian he ATM hawn thar tan venhimna kawngah pawh YMA chuan theihtawp an chhuah dawn thu a sawi bawk.
Nimina ATM hawnna hun hi Mizoram Cooperative Apex Bank (MCAB) Serchhip Branch-a Manager mawhphurhna la mektu Damchinmanga chuan kaihruaiin he ATM bun tur hian hun engemaw chen a\anga hma an lo lak tawh thu leh an bun fel hnuah pawh an hna lamah harsatna an neih avanga an hawn mai theihloh laia tuna hawn a ni ta chu thawktute pawh an lawm hle tih a sawi a. He ATM an hawn thar tak hi Serchhip mipui ten \angkai taka an hman ngei an beisei thu a sawi bawk.
Heti hian Serchhip-ah ATM hi hmun 4-ah a awm ta a, AOC Veng leh College Peng bakah Tuikhuah Veng-ah te a awm tawh bawk a ni.

Popular posts from this blog

PAN CARD an tih teh fo hi - Laldinpuia