MiMIR intihsiakna zofel

• Champhai District huamchhunga My Project, My NEDP- Mipui Mamawh In\awm Ruahmanna (MiMIR) Project intihsiakna kal zelah nimin khan Champhai DC Conference Hall, Keifang-tlangah-ah Project Concept Paper \ha thlanchhuah 13 ten District MiMIR Committee hmaah Presentation hmangin an Project sawifiahna hun an nei a. Hengte hi MiMIR Criteria hmangte a endik a nih hnuah Champhai District MiMIR Project pakhatna atan New Chalrang khaw Project siam, NCR Organic Pineapple Processing Plant tih chu thlan a ni. He hunah hian Champhai DC, Dr. Naveen Aggarwal chuan Project lut reng rengte chu District thuneituten an ngaih pawi-mawh vek thu leh nakin zela hmasawnna ruhrel siam kawngah pawh zirchian zel anih tur thu a sawi a. Project dang 12 te chu Promising Projects anga chhinchhiah vek anih dawn thu leh Project thehluh zawng zawngte chu Aspirational Projects anga chhinchhiah anih vek tur thu a sawi bawk.
• Nimin vek khan Lunglei-ah pawh MiMIR intihsiakna hi zawhfel a ni a, Project Concept Paper \ha thlanchhuah 19 ten District MiMIR Committee hmaah Presentation hmangin an Project sawifiahna hun an nei a. Hengte hi MiMIR Criteria hmanga endik an nih hnuah Cherhlun khaw Project siam, Implementation of 50Kw Solar Power Plant tih chu Lunglei District MiMIR Project pakhatna atan thlan a ni a, hnathawhna tur cheng nuai 100 an dawng dawn a ni. 
• Serchhip-ah pawh nimin khan Serchhip District chhunga khaw hrang hrangten My Project, My NEDP hnuaia Mipui Mamawh In\awm Ruahmanna (MiMIR) ti\ha zual 20 thlan chhuah ten DC Conference Hall-ah an Project te sawi-fiahna hun an nei a, tlai-ah result puan nghal niin Thenzawl West Village Council hnunaia MiMIR Committee ten an thehluh ‘Loom upgradation & Product Diversification’ chu Project \ha berah thlan niin thuneitu sang zawka thehluh turin DRP siam sak an ni ang.