Kuthnathawktute thlai thar lakkhawm leh hralh-chhuahna atan Cold Chain System buatsaih mek

Kuthnathawktute thlai tharte \ha taka lakkhawm leh hralhchhuahna atan Cold Chain System buatsaih mek a ni.
He thu hi sawrkar laipui ruahmanna, Rashtriya Krishi Vikas Yojana (RKVY) Scheme kaltlanga cheng nuai 20 senga Lunglei-a Plant Health Clinic cum Conference Hall sak thar hawnna hun nimin a Lunglei-a neih a hmanpuina ah Horticulture Minister, PC. Lalthanliana chuan sawiin, Cold Chain System atan hian Sawrkar laipui a\angin cheng nuai 600 hmuh a nih tawh thu a sawi a. He Cold Chain System-ah hian Sairang, Lunglei, Serchhip, Kolasib, Mamit leh Khawzawl-ah te Cold Storage Building sak a nih dawn bakah Refer Van panga (5) leh Pick-up Truck panga (5) an service dawn bawk a ni, a ti. Kum reilote chhungin Horticulture Department hmalakna hlawhtling engemawzat hmuh theih leh tarlan theiha a awm chu lawmawm a tih thu pawh sawiin Horticulture Minister chuan, India hmarchhaka a hmasa ber Indo-Israel Centre of Excellence For Fruits Lunglei-a hmalakn ate, NEDP hmalakna hnuaiah |hal Zikhlum (Off-Season Cabbage) leh |hal Tomato \hahnem tak tharchhuah a nih thu te, Thenzawl-a Horticulture College building chu sak zawh \ep a nih thu te leh kuthnathawktute tharchhuah dah\hatna tur Transit Godown chu Mizoram hmun hrang hrangah cheng vbc. 11senga sak \an thuai anih dawn thu te a sawi bawk.
Horticulture Department hnathawktute thawhrimna leh inpekna chu fakawm a tih thu sawiin Horticulture Minister chuan, Department hmalakna hrang hrang chuan kuthnathawktute tan eizawnna rahbi nghet a tuk \euh tawh a, a la tuk chho zel dawn bawk a ni, a ti a. Kuthnathawktu te hi Sawrkar in a duhsakin a ngai pawimawh a, an tan inbuatsaihna leh remruatna \ha tak tak a siam \hin a, chutih rualin a chhawr \angkaitu tur kuthnathawktuten hman \angkai nachang an hre lo vang tih a hlauhawm hle a ni, a ti bawk.
Nimin a hawn tak Plant Health Clinic-cum-Conference Hall hi sawrkar laipui ruahmanna, Rashtriya Krishi Vikas Yojana (RKVY) Scheme kaltlanga cheng nuai 20 senga sak niin Laboratory hmanrua lei nan cheng nuai 5 dawn a ni bawk.

Popular posts from this blog

PAN CARD an tih teh fo hi - Laldinpuia