SEC-ah complaint thehlut

MNF |halai Vice President, H. Ramdin-liana chuan Mara Autonomous District Council (MADC) huamchhunga Village Council (VC) inthlana vote chhiar \hat leh chungchangah complaint a thehlut.

Hemi chungchanga nimin a MNYF thuchhuah siamin a tarlan danin nimin, August 14, 2018 khan MNF |halai Vice President, H. Ramdinliana chuan Mizoram State Election Commission (SEC) Commissioner, Pi L. Tochhawng (IAS Rtd) hnenah complaint hi thehlutin kumin 2018 April thlaa MADC VC election neih zawh hnu khan Election chungchang complaint leh petition lut a awm nual tih a lehkha ah hian a tarlang a. A bikin New Siaha ‘E’ VC-ah pawh Tribunal din te’n Vote tla hi chhiar \hain result pawh Dan angin puan a ni tih a tarlang a.

Hemi hnuah hian petition lut lehin Tribunal din tharte’n nimin August ni 14, 2018 khan vote chhiar \ha leh turin ruahmanna an siam a. Hei hi MADC (Election to Village Councils) Rules, 2014 a kalh nia hriain MNYF Vice President, H. Ramdinliana chuan complaint a thehlut ta a ni. MNYF Vice President hian SEC Commissioner hnenah hian, Tribunal din \hat leh chhan zawtin, Commissioner hian Tribunal Chairman a ruat hmasak a rintawk loh vang niin a sawi a ni.