Self Help Group (SHG) te hnenah loan semchhuak

Thingtlanga chengte eizawnna nghet siam tura kawng zawn sakna peng pakhat, Mizoram National Rural Livelihood Mission (MzNRLM) hnuaiah Thingdawl RD Block leh Bilkhawthlir RD Block hnuaia Self-Help Group (SHG) sawmhnih pakua (29) te hnenah nimin khan Loan cheng nuai 145 pekchhuah a ni a; Group pakhatin cheng nuai 5 \heuh an dawng a ni. Kolasib DC, Dr. Arun T kaihhruaia Loan semna hun, Credit Camp hi nimin khan Kolasib Parish Hall-a hman niin, khuallian Finance Secretary, Lalmalsawma chuan Credit Camp chu Central leh Mizoram sawrkar policy pawimawh tak, Hmeichhia chawikanna piah lamah chhungkaw hrang hrang dawmkanna tur a nih thu a sawi a. Ham\hatna dawngtute chu loan rul \ha tura chahin, sawrkar hmalakna hnuaiah \hahnem ngai turin a chah bawk.

SHG te hnena Loan pek hi Bank hrang hrang kaltlanga pekchhuah niin, tun \uma Loan pekchhuah ah hian system thar, Cash Credit Limit (CCL) hman a ni a, he System-ah hian Loan te hi thla tina rulh theih a nih loh pawhin kum tawpah a hlawmin a rulh theih dawn a, SHG te hnenah hian Bank in an interest rate anga pungin an puk tir anga, loan hi rulh zawh anih hnuah Ministry of Rural Development (MoRD) a\angin za a panga (5) Interest Subvention an hmu let leh dawn a ni.