Monday, 6 August 2018

Rorellai MPCC in NLUP sem chhunzawm leh thuai a ni dawn tih an sawi

Mizoram Pradesh Congress Committee chuan NLUP chu sem chhunzawm leh thuai a ni dawn tih an sawi.
Inrinni-a thuchhuah an siamah MPCC chuan tu in emaw Gauhati High Court-a NLUP dawngtu turte thlan dan diklo leh thlan dan tur Guidelines awm lo anga Mizoram sawrkar an hek avanga tuna NLUP \anpuina dawng mai tur hrek khawtlai a, mirethei tete leirem an rah ve na tur leh nghakhlel taka \anpuina an dawn tur an hrek khawtlai chu a pawi takzet tih tarlangin, NLUP dawng thei tur thlan dan chungchang hi NLUP kalpui dan tur a tir te a duan a nih khan duan tel vek a ni tih an tarlang a. Hei hi NLUP Manual tia vuah niin internet-ah pawh hmuh mai tur a awm reng a. Hetiang guidelines awm reng chung si a sawrkar hektu in guidelines awm lo ang leh NLUP \anpuina sem chungchangah thil langtlang lo a awm ni awm taka Gauhati High Court a hrilh chu vanduaithlak an tih thu tarlangin, “NLUP dawng thei tur Guidelines a ziah angin NLUP kalpui hma a\ang tawh khan Central YMA bultumin khua leh veng tina chhungkua zawng zawng zirchian a ni a. Rokhawlhna engemaw avanga Central YMA a tel leh tak loh hnu khan Mizoram University chuan NLUP dawng thei tur endikna hi a kalpui ve leh a. Heng chhungkaw hming list hi NLUP Implementing Board Office-a thehluh vek a ni,” an ti.
Hun a lo liam hnuah a tira dawng thei tur list a awm lo, indan avang leh pem avangte hi tam tak an lo awm leh tih pawh an thuchhuah ah chuan tarlangin, “Guidelines-ah chuan chhungkuaa sawrkar hnathawk tuemaw an awm emaw, eizawnna ngelnghet nei, sumdawnna lam leh huan lo nghet neite emaw an nih chuan NLUP hi an dawng thei lo a. NLUP 3rd leh 4th Phase a dawng thei tur thlante zingah guidelines in dawng thei lo tur tia a lo sawi an awm a, report a awm chuan NLUP Implementing Board lam hian an lo paih leh hmak hmak zel a. Chutiang zel chuan dawng thei tur si, dawng tura thlan awm hliah hliah dawng lo report a awm pawhin NLUP Implementing Board lam hian a finfiah hnuah belh leh an ni \hin a ni,” an ti bawk.
MPCC thuchhuah chuan miretheite dinchhuah ve na tur NLUP \anpuina hi opposition ten an haw em em tih chu Central sawrkar leh Court-a an khin an khin a\ang hian a chiang hle tih pawh tarlangin, Pathian lam\ang programme anih miau avangin heng hekna te hian awmzia a nei ngai lo tih an tarlang a. Tuna hekna pawh hi inkaihhruaina mumal a awm reng laia inkaihhruaina awm lo ang a sawi a nih avangin High Court a thubuai awm ang a lang hi awlsam taka chinfel tur a nih avangin miharsa te tana programme kalpui hi Pathianin tih tawp a phalin an ringlo tih tarlangin, MNF party ten NLUP kumin a sem tur hnuhnung ber Stay anga an sawi chu High Court-in he NLUP chungchang hi kar 4 (li) hnu-a ngaihtuah leh huna chinfel mai theih tur a nih avangin NLUP hi sem chhunzawm a ni thuai dawn tih an tarlang bawk.

Latest News

THLASIK KHUAL|HA TE I DUAT ANG U

THL ASIK KHUAL|HA TE I DUAT ANG U - K. Lalmuansanga (Zotei Pa), ASEP