2nd Division Group Match khelh zawh a ni

Serchhip District Football Association buatsaih Independence Day Football 2nd Division-ah nimin khan Group Match khelh zawh niin naktuk a\angin Quarter Final khelh a ni ang.

DC’s Playground, Khawtetlang-a nimin a 2nd Division inkhel hmasa berah Group B a\angin Field Veng FC chuan Dinthar FC chu 1-0 in an hneh a, Field Veng goal awmchhun hi Lalremruata khung a ni. Heti hian Group B a\ang hian New Serchhip FC chuan point 7 hmuin Group hmahruaitu ni chungin Quarter Final an lut a, point 6 hmutu Field Veng FC chu pahnihna an ni a, point 4 hmutu Dinthar FC leh point hmulo FC Leisekawt te chu an tla thung.
Group C ah Chhiahtlang Chhim Veng FC leh Dress Up FC te chu goal hnih ve ve inpein an inhnehtawk a, CT Chhim Veng FC tan Zosang-zuala leh Lalduhsanga ten goal khungin Dress Up FC tan Lalrammawia leh Lal\hasanga ten goal an khung a. Group C inkhel dangah Darnam FC in P&E veng FC chu 3-1 in an hneh a, Darnam FC tan Lal\hakima, Malsawmtluanga leh Zo-hmingthanga ten goal khungin P&E Veng goal awmchhun hi Lianchampuia khung a ni.
Heti hian Group C a\ang hian point 7 hmutu Darnam FC chu Group Leader niin Dress UP FC in point 4 hmuin pahnihna an ni a, an pahnih hian Quarter Final lutin P&E Veng FC leh Chhiahtlang Chhim Veng FC te an tla thung.
Nimin inkhel hnuhnung berah Chanmari FC in FC Serchhip Kawnpui chu 7-1 in an hneh a, C. Lalrintluanga chuan goal thum khungin LT. Mawia, B. Lalruatpuia, MS. Dawngzuala leh Lalmalsawma ten goal khat \heuh an khung a, FC Serchhip Kawnpui goal awmchhun hi Stephen Ngurchhuanmawia khung a ni thung. Group D a\ang hian Chanmari FC leh Bungpui FC, Hriangtlang Quarter Final an lut a, FC Ser-chhip Kawnpui chu an tla thung a ni.

Popular posts from this blog

PAN CARD an tih teh fo hi - Laldinpuia