Serchhip District-a Project HIMNA-SADAT kalpui tur atan Middle School zirtirtute an training

Serchhip District-a Project HIMNA-SADAT hnuaiah nimin khan Serchhip District-a Middle School zirtirtute tan Zuk leh hmuam leh ruihhlo chungchang zirhona buatsaih a ni a. He training hi zirtirtuten ruihhlo chungchang an lo hriat chian lehzuala, naupangte ruihhlo laka an fihlim theih nana thiam taka an kaihhruai theih nana inbuatsaih a ni.

Serchhip leh Thenzawl SDEO hnuaia Middle School tin aiawhte tana Serchhip CMO Conference Hall-ah he zirhona neih hi Serchhip District CMO, Dr. Laldawngliana Sailo chuan kaihruaiin he zirhona buatsaih chhan leh a tum te a sawi a. Hemi hnu hian PC. Zoliansangi, Project Manager DIC ZEP Serchhip te; Maria VL. Neihhlui, Psychologist NTCP te; Jane Zodingliani Lailung, Clinical Psychologist, DMHP leh Lalnunmawii Varte, SDPO Serchhip ten zuk leh hmuam, zu leh ruihhlo chungchang sawifiahin heng laka zirlaite an him theihna tura hmalak dan tur hrang hrang zirho a ni a, North Vanlaiphai SDEO hnuai ami te tan buatsaih leh tur a ni ang.
Project on Early Intervention Against Tobacco Usage & Drugs Abuse from Upper Primary School (Project HIMNA- Serchhip Against Drugs, Alcohol & Tobacco) hi NEDP hnuaia Project niin ruihtheih thil laka naupang, tleirawl leh \halai te, a bik takin Upper Primary chunglamte an him a, an fihlim theihna tura ruahmanna a ni a. He project hmalakna zingah hian ruihtheih thil in a nghawng thil \halo te School naupang te hnena zirtir leh hrilh hriatna kawng hrang hrang a neih te a ni.
Project Himna- SADAT hi Serchhip District chhunga School 30 ah kalpui tur niin, naupangte chu ruihtheih thil avanga an chunga thil \halo thleng thei hrang hrang hrilhhriatna neih te, Middle School zirtirtu training pek te, School-a Anti-Tobacco/Anti-Drugs Club din te, intihsiakna buatsaih te, zirna In bulhnaia vaihlo leh drugs eng chi mah zawrh phallo tura hmalak te, naupang te nena Public Education Campaign buatsaih te, Hoarding siam leh zirtirtu te vaihlo leh ruihhlo dang laka an fihlim theih nana hmalak te a tel a. Nimin a he Training-ah hian Training in a huamchin School hrang hrang aiawh Zirtirtu an tel \ha hle a ni.

Popular posts from this blog

PAN CARD an tih teh fo hi - Laldinpuia