E. Roll-ah kan \an tlan a \ul

E. Roll-ah kan \an tlan a \ul

Mizoram in kumin ah Assembly in-thlanpui a hmachhawn leh dawn niin a lang a, hemi atan hian Dan pangngai angin Electoral Roll ennawn hna pawh nimin a\ang khan thawh \an a ni leh ta a. Inthlanpui neih a nih dawn hian inthlan chuhtu, a bikin Political party tin te hian Vote lamah duhamna an neih \hin avang leh tun \uma Electoral Roll ennawn hi inthlanpui neih hmaa a hnuhnung ber tur a nih tawh avangin Electoral Roll ennawn hna hi uluk leh fimkhur taka kalpui a \ul hle niin a lang a. Electoral Roll ennawna hna thawktute mai bakah tlawmngai pawl lam te pawhin theihtawp an chhuah a \ul hle a ni.

India ram hi inthlang ram kan nih avangin roreltu tur kan thlang \hin a, chumi atan chuan Electoral Roll hi hmanraw pawimawh ber a nih avangin sawrkar lam pawhin Dan hnuaiah fimkhur takin a kalpui \hin a. Amaherawh chu tunhma lam a\ang tawhin mi \henkhat pamham deuh te chuan document fel tawklo nia lang te pawh an party tana ham\hatna tur nia an hriat te chu thun hram an lo tum tawh \hin a. Hei vang hian harsatna te pawh kan lo tawh fo tawh \hin avangin tun \umah pawh hetiang hi a thlen lohna turin theihtawp kan chhuah tlan a \ul dawn hle a ni.

India khua leh tui te hian kan aiawha roreltu tur thlan hi kan chanvo lian tak a ni a, he kan chanvo hi India khua leh tui ni lo ten min chuhpui theih dan hnaivai ber chu Electoral Roll-a an inthun ve hi a ni tih mipui hian kan hriat reng a ngai a. He kan chanvo hi India khua leh tui te chauhin kan chan theih nan leh India khua leh tui te chauhin kan ai-awha roreltu tur kan thlan theihna tura Electoral Roll dik kan neih theih nan kan zavaiin i \angrual ang u.