Serchhip District Sports Committee in Sports Complex neitu chungchang an sawifiah

Serchhip District Sports Committee chuan Serchhip Hmar Veng-a Sports Complex chu Serchhip District Sports Committee enkawlna hnuaia awm a nih thu an sawi.

Serchhip Sports Complex chungchanga Serchhip District Football Association President thusawi chungchanga SDSC dinmun hrilhfiahna tunhnaia an tihchhuah ah Serchhip District Sports Committee chuan July 23, 2018-a Independence Day Football Tournament Opening Function-ah SDFA President, Zomuana Hnamte chuan Official Speech-a neihna ah “Serchhip Sports Complex hi kan enkawl tur leh kan ta tura kan lo inngaih laiin Serchhip District Sports Committee chuan min chuhpui,” tiin a lo sawi tih an tarlang a. Hemi chungchang hi August 14, 2018-a Serchhip District Sports Committee Executive Committee chuan Official Function-ah SDSC Affiliated Association zahawm tak aiawha thusawi a nih avang leh Football discipline mai ni lo, midang tam tak a hruaipen theih avangin an dinhmun hi an sawifiah tih an tarlang a ni.

Serchhip District Sports Committee chuan Serchhip Sports Complex chu a bul\hut, kum 1985 vel a\angin khawtlang hmalakna niin mi thilphal te ram pekna hmunah bul\an a nih thu an sawi a. A tir te a\angin ‘Infiamna hmunpui-Mini Sports Complex’ tih niin Chief Minister dinglai hmalakna in changtlung zawka ruahmanna siam chhoh zel a nih thu leh Sports Complex puitling tura cheibawl mek a nih thu te, a bikin Football leh Athletics tana cheibawl niin a hung pawnlam hmar lamah Sports Multipurpose Indoor Stadium hmun remchang a awm thu pawh Chief Minister hi an hriattir tawh thu an tarlang a.

A tir a\angin Games & Sports Association hnuaiah hmalakna a chak zawk theih nan Managing Committee te dinin Games & Sports Association tawpa District Sports Committee enkawlna hnuaia a awm hnuah pawh Complex Managing Committee din leh a nih thu te tarlangin, he Committee hi kalpui zui mumal ta lovin Sports Complex chu Serchhip District Sports Committee enkawlna hnuaia a awm zui zel a nih thu an tarlang a. Serchhip District Sports Committee chuan neitu nihna a chuh loh thu leh he Sports Complex hi Sports Item pakhat chauh tihna tura ruahman ni lovin Sports Discipline zawng zawngte khaikhawmtu a nih angin SDSC kutah engmaw chen chu mawhphurhna a awm lo theilo mai zawk tih an tarlang bawk.

SDSC chuan Sports Complex enkawltu nih chu a senso a hautak avangin sawrkar Department tan pawh awlsam tak a nih loh laia a neitu nih lo tum viau chu ‘Zawhloh nghawngkawl bahna’ a ni tih an tarlang a. District Sports Discipline te chu SDSC Affiliated Unit niin SDSC Executive Committee-ah an tel \heuh avangin harsatna leh hriatthiam loh an nei a nih chuan SDSC Committee hnenah thlen zel tawh turin an ngen nghal bawk.