Wednesday, 1 August 2018

Electoral Roll ennawn hna thawh tur atan Serchhip-ah Draft Roll tarchhuah a ni

Nimin chawhma dar 11:00 khan Serchhip District Bawrhsap, Sangchhin Chinzah, District Election Officer ni bawk chuan a Office Chamber-ah kumin January ni 1-a kum 18 tling chinte laa Electoral Roll siam\hat hna thawh tur atan Draft Roll a tlangzarh a, political party aiawhte hnenah Draft Roll copy a sem nghal bawk.
Nimin a Draft Electoral Roll tlangzarhna hunah hian District Election Officer chuan inthlanna thianghlim leh felfai nei tur chuan Electoral Roll dik leh rintlak neih hmasak a pawimawh a. Chuvangin Political party tin hotute bakah tlawmngai pawl te pawh Danin a phut ang chauh te Electoral Roll-a thun leh siam danglam ngai siam \hat an nih theih nana theihtawp chhuah tura ngenin, thawhho puiah a sawm a ni.
Nimin-a tlangzarh tak Draft Eelectoral Roll Serchhip District-ah hian Constituency pathum (3) awmin, Polling Station 77 a awm a. Serchhip Constituency-ah Polling Station 23, Tuikum Constituency-ah Polling Station 29 leh Hrangturzo Constituency-ah Polling Station 25 a awm a ni. Serchhip District-a Assembly Constituency 3-ah hian vote nei mi 26,554 an awm a, heng zingah hian mipa vote nei 23,832 leh hmei-chhia vote nei mi 24,837 an awm a, Service voter 285 a awm bawk. Polling Station hrang hrang zingah Serchhip District-a Voters tlemna ber Polling Station chu Buh-kangkawn niin, Voter 81 an awm a, Thenzawl-IV chu Voters tamna ber niin, voter 1306 an awm a ni.

Latest News

Central YMA Inthlan thuchah

CENTRAL YOUNG MIZO ASSOCIATION MIZORAM : AIZAWL INTHLAN THUCHAH 2018