Leisekawt Field laihzauh a nih theih nan hmalak zel rel

Serchhip in K|P General Conference a thlen tur atana Organising Committee huaihawtin nimin khan Serchhip-a Village Council hrang hrangte chuan Joint Meeting neiin Leisekawt Field chu laihzauh a nih theih nan lungrual taka hma lak nise an ti.

Nimin chawhnu dar 1:00 khan K|P General Conference 2020 Organising Committee huaihawtin Serchhip-a VC hrang hrang leh NGO te chuan Serchhip Bethel Kohhran Biak In-ah Joint Meeting neiin tunhnaia K|P General Conference Organizing Committee in Leisekawt Field laih zauh anih theih nana Chief Minister hnena an lo thlen tawh, Rural Development Department lamin a theihloh thu-a an chhanna chungchang chu sawiho a ni a. Leisekawt Field hi Serchhip in Field remchang leh mipui punkhawmna, pawl hrang hrang leh NGO khawmpui leh Conference thlenna hmun atan remchang Serchhip-a kan neih chhun anih avang hian tuna K|P General Conference kan thlen tur denchhen hian a laihzauh hna hi thawh anih theih nan chak zawka hmalak nise an ti.

Nimin a Meeting-a tel te hian hlai hmun laihzauh a nih theih nana 2020 K|P General Conference Oraganising Committee in hma a lak mekna hi chu an thlawp thu Resolution siama tarlangin, “Helai hmun hi kan khawtlang tan hun lo la kal leh zel turah pawh kan mamawh reng tur anih avangin BDO Quarters thleng hian laih zauh \ha kan ti a. A \ul angin 2020 K|P General Conference Organising Committee in hma lo la zel se kan ti. He Joint Committee hming pawh hian kan Chief Minister (Bialtu MLA) hnenah dilna thlen leh nise kan ti,” tiin an Resolution-ah hian an tarlang a. Hei hi a hlawhtlin theih ngei na turin a \ul ang zelin  Joint Committee hian hma lak zel an remtih thu an sawi bawk.

Nimin a he Joint Meeting hi K|P General Conference Organising Committee Chairman, Upa Vanlalchhunga chuan a kaihruai a ni.