Serchhip Town Joint VC ten Municipal neih thuai an duh

Serchhip Town Joint VC chuan Municipal neih thuai an duh thu an sawi.
Serchhip Town Joint VC te hi nimin khan Serchhip-VII VC Hall ah \hukhawmin Mizoram District khawpuia Municipal kalpui tur chu hmasawnna rahbi thar nia an ngaih thu sawiin, sawrkar chak takin bawh-zui se an duh thu Resolution siamin an pass a ni. Tarlan tawh \hin angin Mizoram sawrkar in District khawpui tina Adhoc Municipal kalpui a tum chu a kalphung dik tawk lova hriain Lunglei leh Champhai te chuan an duhloh thu an lo sawi tawh a ni.
Nimin a Serchhip Town Joint VC \hut-khawm hi Chairman mawhphurhna la mektu Serchhip-VII VCP, H. Lalthianghlima chuan kaihruaiin hlawhfa rate hman mek chu ennawn a nih hnuah 7th Pay lo kal hma chu inhlawhfa rate atan nikhat ah Hmeichhia-ah Rs. 250/- leh Mipa-ah Rs. 300/- nise tiin hei hi hnathawh tur a hautak dan a zirin a ruaitu leh hlawhfa inbiak-remna a herrem theih a nih thu an sawi bawk.
Serchhip Town Joint VC \hukhawm hian Serchhip khawpui chhungah hneh taka Ui leh Ar khuahkhirh a nih theih nan Serchhip District Sanitation Task Force-ah thlen nise an ti a. Hei bakah hian Serchhip Town a MGNREGA sum rualkhaia Bank Account-a a luh theih nan hma lak nise an ti a, mipui tam zawk duh dan angin Bank a\angin VEC ten sum hlawma laa sumfaia an sem leh theih nan hma lak leh nise tih bakah Housing for All (PMAY) dawng tura thlan tawh chhungkaw 1012 ten Rs. 60,000/- \heuha an dawn tur chhungkaw 404 a sawr zima chhungkaw pakhat zela Rs. 150,000/- a pek tumna awm nia an hriat thu leh, a nihna tur ang tak sem a nih theih nana hmalak te an rel bawk.
Serchhip Town Joint VC ah hian Serchhip Town chhunga VC 11 te telin Town chhunga VC hrang hrang te hian thla nga (5) dan zelah a kaihhruai hna hi an in thawh chhawk \hin a ni.

Popular posts from this blog

PAN CARD an tih teh fo hi - Laldinpuia