Mizoram Ranking Table Tennis Championship (Serchhip)-2018 khelh \an a ni

/
Mizoram Table Tennis Association (MTTA) buatsaih Mizoram Ranking Table Tennis Championship (Serchhip)-2018 chu nimin khan Serchhip-ah khelh \an a ni a, Mizoram hmun hrang hrang a\angin infiammi mi 250 vel an tel.
Mizoram Ranking Table Tennis Championship (Serchhip)-2018 hawnna inkhawm hi nimin chhun khan New Serchhip Indoor Stadium-ah neih niin Serchhip Block Congress Committee President, PC. Vanlalsawma chuan khuallian niin a hawng a, khuallian chuan Mizoram sawrkar in ‘|halaite khawvel’ tiin infiamna mai bakah zirna lamah te nasa taka hma a lak thu sawiin, Serchhip khawpui chhungah pawh infiamna hmunhma siamna kawngah nasa taka hmalak a ni thu a sawi a. Table Tennis khelhna tur pawh New Serchhip Indoor Stadium-ah siam a nih bakah Serchhip Indoor Stadium-ah pawh ruahman a nih thu sawiin, cheng nuai 1500 vel sengin Sports Stadium sak mek a nih thu leh Running Track tur siam leh mek niin mipui \hutna chung khuhna tur pawh siam mek a nih thu a sawi a. Heng sawrkar hmalakna hrang hrang zarah hian Mizo infiammi te pawh India ram mai ni lovin khawvel huap pawha an lan tak fo thu a sawi a. Infiamna te chu discipline hnuaia awm peih te hlawhtlinna a nih thu sawiin, \halaite chu sawrkar hna in a daih vek loh avangin thiamthil zirna lamah taima taka hlawhtlinna nei tura \an lak a \ul thu a sawi bawk.
Mizoram Ranking Table Tennis Championship (Serchhip)-2018 Organising Committee Chariman, Remlalhruaia kaihhruai he hunah hian khual zahawm K. Tlangthanmawia, Chairman Serchhip District Sports Committee chuan hetiang inelna liantham Serchhip-a nghah a ni chu lawmawm a tih thu sawiin, Serchhip District Table Tennis Association hruaitute thawhrah a nih thu a sawi a. SDTTA te chu Serchhip District Sports Committee hnuaia Association 20 zinga hma la \ha ber pawl an nih thu sawiin, hruaitu ten thawhhona \ha tak an nei chu lawmawm a tih thu a sawi bawk.
Nimin a khelh \an Mizoram Ranking Table Tennis Championship (Serchhip)-2018 hi tunkar Inrinni thleng awh tur niin Category 17-ah inelna neih a ni dawn a, heng Category hrang hranga khel tur hian Mizoram hmun hrang hrang a\angin infiammi 250 vel an rawn tel a, tun \um hi kumin a Mizoram Table Tennis Association hnuaia Mizoram Ranking Tournament hmasa ber niin a vawikhatna atan Mini Cadet Girls Singles inelna chu telh a ni a. He Tournament-a Category hrang hranga Champion te chuan Ranking-ah point 90 an hmu thei dawn a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »