Friday, 24 August 2018

Pu Lal Thanhawla in thlantlin tawh loh hi a pawimawh a ni - Zoramthanga

MNF East Block Serchhip buatsaihin nimin khan Serchhip Chhim Veng-a Lalpuithanga Hall-ah Political Training-cum-Workers Meet neih a ni a. He hunah hian MNF Party President, Zoramthanga chuan Congress leh ZPM a\anga MNF zawm thar mi 139 te a lawmlut.
MNF Party Political Training-cum-Workers Meet ah hian Zoramthanga chuan Serchhip Bial chu Lal Thanhawla’n kum rei tak a lo enkawl tawh thu sawiin, "Keiin kum 10 chhung Champhai ka enkawl nen hian khaikhin ula, Bial mipui ten a dinhmun chu inhrethiam mai awm e," a ti a. Congress sawrkar chuan Kohhran-te duh loh Zu a zuar tih sawiin, "Chutah elhsen taka \awngkam an hman zui hnuah Congress chuan Mizoram chu a phingchil mek a. Zu avang hian Mizoram pumah mi 700 chuang an thi tawh a, Police zingah ral kuta thi an awm loh laiin Zu avangin mi 500-600 vel an thi tawh a. Hmeithai, fahrah siamtu, Zu zawrhna bulpui ber thlangtling \hintute in nih avangin Serchhip Bial hian Mizoram leh Pathian lakah mawhphurhna in nei a. A bulpui ber titawp tur hian Pu Lal Thanhawla hi inthlantlin tawh loh hi a pawimawh a ni,” a ti bawk.
MNF President, Zoramthanga chuan, mikhual sawrkar leh a neitu sawrkar danglamna sawiin, "Congress sawrkar chuan, ram leh hnam tan thil tih tak takna thinlung an pu ve lova. Tuirial Hydel Project ti hlawhchhamah MNF min puh \hin a, a nihna tak chu Pu Saikap\hianga’n hian a hrechiang a. MNF sawrkar laia he Hydel Project ti \huanawptu chu amah Pu Lal Thanhawla ngei hi lo niin, sawrkar laipuiin sanction min pek a tum tawh chu MNF hming\hatna tur nia a ngaih avangin sawrkar laipui, khatih hun laia Congress sawrkar hnenah lehkha thehlutin a sut tir leh ta a ni," a ti a. MNF an sawrkar khan Congress sawrkar a\angin sum lama harsatna namen lo tak an rochun tih pawh sawiin, Congress sawrkar chuan MNF sawrkarin District 3 a puan tawh te chu vawiin thleng hian an la function tir duh lo tih a sawi a, "MNF kan sawrkar chuan heng District pathum kan puan tawh Saitual, Khawzawl leh Hnahthial-te hi kan tihlawhtling dawn a ni," a ti bawk.
Nimin a he hun hman hi Serchhip East Block MNF President, T. Zadingliana chuan kaihruaiin Lalruatkima MLA pawhin "Vawiin a kan ram, hnam leh sakhua dinhmun hi a him lo hle a ni. Kan ram chhung Bairabi Zophai-ah Zofate Chawlhbuk kan sa thei lova, Zu leh Ruihhlo avangin Fahrah leh hmeithai an pung zel a, Kohhran leh Pastor te diriamna leh hmuhsitna \awngkam kan chhuah reng bawk a. Pu John Rotluangliana Minister in Sawrkar Zu zawrh hre reng chunga ‘Sawrkar in Zu kan zuar lo’ a la ti \ang \ang duh hi a vanduai thlak hle a ni," a ti a. Inthlan a lo hnaih tawh thu pawh sawiin, Party induhsak theihna turin MPSC thuneihna a pawngsual mek tih a sawi a, "Kan \halaite Congress sawrkarah hian an beidawng nasa hle a ni," a ti bawk.

Latest News

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Or...