Mobile Phone Service provider te kawm

Central YMA hruaitute chuan nimin khan Mizoram chhunga Mobile Service Provider hrang hrangte kawmin changtlung zawk leh \ha zawka mipui ten Mobile Phone an hman theih dan tur an sawipui.
He sawihona Central YMA Committee Room-a neih hi Central YMA President, Vanlalruata chuan kaihruaiin BSNL, Airtel, Vodafone leh JIO Company aiawhte an tel a. Central YMA hruaitute chuan Mizoram puma Mobile Phone-a inbiak theihloh tam lutuk te, Internet Data muang lutuk an vei thu te leh Service Provider te chu tun aia \ha zawka an service kalpui turin an ngen a. Service Provider te pawhin an dinhmun leh harsatna an tawhte an sawi bawk. He meeting-ah hian Central YMA leh Mobile Phone Provider te chu kawng engkima mipui tana thawkho a harsatna awmte chinfel zel a nih theih nan thawhho zel nise an ti a, hmalakna atan hian rawtna te pawh siam niin hmalakna hmasa ber atan mipuiten kan dinhmun dik tak an hriat theih nan Cable TV leh DDK-ah te Talk Show neih ho nise an ti. He sawihona hun hi Department of Telecomunication-a Director, Lalhmachhuana leh Chief Informatics Officer, Lalthlamuana te pawhin an telpui a ni.

Popular posts from this blog

PAN CARD an tih teh fo hi - Laldinpuia