Vengchung FC an champion ve thung

Vengchung FC chuan Independence Day Football Tournament-ah champion lai New Serchhip FC chu penalty shoot-out ah 5-4 a hnehin nimin khan an champion.

Serchhip District Football Association (SDFA) buatsaih, Independence Day Football Tournament 1st Division Final hi nimin chawhnu khan DC’s Playground, Khawtetlang-ah khelh a ni a, nimin a Final a intum te hi a hma lamah lo inhmachhawn tawhin New Serchhip FC hian 4-1 laiin hnehna lo chang tawh mah se Final-ah erawh Vengchung FC in inkhel thununin goal hlauhawm pawh an nei ngun zawk a ni.

Amaherawh chu New Serchhip FC in khel \ha lo zawk mah se goal an khung hmasa leh tho a, minute 19-na ah R. Lalremruata chuan Freekick a\angin goal mawi tak a khung a, first half-ah Vengchung FC in chance \ha tak tak nei mah se an si phurh an sut theilo thung.

Second half-ah Vengchung FC in an si phurh sut tuma nawr lehin inkhelh \an hnu reilote ah penalty an hlawhchhuak a, hei hi Malsawm-tluanga chuan goal-ah chantirin huntawp thlengin goal dang a lut lo a, 1-1 in an inhnehtawk a ni. Hemi hnu hian Extra Time khelin goal lut a awm chuanglo a, hei vang hian penalty shoot-out hmanga chak zawk zawnna neiin Vengchung FC lam a\angin mi 5 in an pet goal a, New Serchhip FC lamah pakhat in a pet goal loh avangin 5-4 in Vengchung FC hi an chak ta a ni.

Independence Day Football-a Champion Team Vengchung FC hian lawmman ah Rs. 20,000/- leh Trophy dawngin pahnihna New Serchhip FC hian Rs. 10,000/- leh Trophy an dawng a, C. Lalnuntluanga, New Serchhip FC chu Top Scorer niin Malsawmtluanga, Vengchung FC chu Best Player a ni a, New Serchhip FC hian Fair Play lawmman Rs. 2000/- an dawng bawk.

Nimin vek khan a hma lama khelh zawh tawh 2nd Division Tournament inelna a lawm-man pawh sem nghal niin champion Team, New Serchhip North FC in Rs. 8000/- an dawng a, pahnihna Chanmari FC in Rs. 5000/- dawngin Fair Play lawmman Rs. 1000/- chu Chanmari FC hnenah hlan a ni bawk.