Lenkawl

VAIHLO ZUK LEH HMUAM HMAN IN HRISELNA A KHAWIH PAWI THEIH DAN - Dr. Jane R.Ralte, State Nodal Officer, Mizoram State Tobacco Control Society

Parking House Committee for PAHOSS (Parking House Support Scheme) chu nimin khan Chief Minister, Zoramthanga hova \hukhawmin khawpui lunlai-a Parking House sakna tura hmalakna kal mek chungchang an thlirho.

Mizoram sawrkar chuan MCS Office \hen-khat awmna siksawiin DM&R-a Joint Director nilai, H. Dolianbuaia chu Serchhip DRDA-ah Project Director tura dah a ni dawn a, Serchhip-a Settlement Officer, Lalduhzuali chu a hna chelhlai bakah Serchhip DLAO hna chelh tel tura dah niin Serchhip DLAO hna chelh mektu, H. Lal-hruaitluanga chu East Lungdar-ah BDO hna chelh tura sawn a ni a. Serchhip SDC, Ngur-thansanga chu Reiek-ah BDO tura sawn niin Kolasib-a SDC hna chelh mektu, Samuel Zo-dinsanga chu Serchhip-ah SDC hna leh DSYO hna chelh tura dah a ni bawk.

Serchhip NGO Coordination Committee chuan Serchhip-a Surgeon chu a thlaktu tur dah a nih loh chuan sawnchhuah rem an tihloh thu an sawi.

Serchhip-VII Village Council in miharsa chenna In tur an sak chu nimin khan a neitu tur, Lalrinchhana hnenah hlan a ni.

Road Safety Week vawi 30-na hman mek pualin nimin khan Serchhip-ah sumdawnna lirthei (Commercial Vehicle) khalhtute tan lirthei khalh chungchanga an hriat tur pawimawh hrang hrang inzirtirna neih a ni.

School Education Minister, Lalchhandama Ralte chuan kan rama zirna In-ah te sawrkar School aia mimal leh Kohhran enkawl School-a zirlai an tam zawk tlat mai leh result pawh an nei \ha zawk fo \hin chu ngaihtuah chian a \ul hle a a ngaih thu a sawi.

Tripura Transit Camp paruk (6)-a Reang(Bru) awmte lalet turin inbuatsaihna kalpui mek zel a ni a, Bru lalet tura thil \ul hrang hrang leh inbuatsaih dan tur sawihona pawh Kolasib-a neih a nih hnuah nimin khan Mamit-ah neih leh a ni.

Mizoram chuan nikum November thla khan State Assembly inthlanpui neiin kan ram a kum 10 zet sawrkarna siam ro lo rel tawh Congress Party chu thlakin MNF in sawrkar siamin ro an rel ve dawn ta a.

MIZOFED Serchhip Branch-a thawkte chuan sum tlem zawka eirawngbawlna Gas connection an pekchhuah chu mipui ten hmang \angkai se an duh tih an sawi a. He eirawngbawlna Gas Connection hi Gas connection la neilo te tana ruahman niin Rs. 2000/- vel sengin connection thar lak theih a ni a, Gas Cylinder te, Kg. 5 kengin hei hi tun dinhmun ah a bur ruak thlengna Rs. 310/- a ni a, hetah hian subsidy pawh pek a ni. Connection la duh tan Ration Card, EPIC leh Aadhaar Card bakah Passport size thlalak kengin an Office-ah tih theih a nih thu an sawi bawk.

Mizoram Public Service Commission (MP-SC) rawtna angin Health Department chuan Mizoram sawrkar hnuaia thawk turin Doctor engemaw zat a la thar a, Serchhip District Hospital-ah Specialist pahnih (2) awm tura tih an ni.

Serchhip-a Road Safety Week hman mek pualin Serchhip-a Traffic Police leh Motor Vehicle Inspector (MVI) te chuan lirthei enfiah beihpui an thlak mek.

Mizo Students’ Union (MSU) chuan Mizoram Public Service Commission (MPSC) in hnalak leh Departmental Exam a buatsaih kawnga hna a thawk muang lutuk chu pawi an tih thu sawiin, sutkian anih theih nana hma la turin thuneihtute an ngen.

Hmeichhia leh Hmeichhe naupangte venhimna beihpui thlakna, Beti Bachao Beti Padhao (BBBP) Serchhip District hmalakna kalzelah nimin khan Serchhip District huamchhunga hmeichhe zirlai naupang HSLC leh HSSLC Exam-a ti\ha te chawimawina hun hman a ni a, Serchhip District Addl. DC, Chuauhnuna chuan khuallian niin a hmanpui a ni.

Lai Autonomous District Council (LADC) huamchhunga 5-Lungtian MDC Constitutency leh Chakma Autonomous District Council (CA-DC) huamchhunga 9-Ugudasury (S) MDC Constituency a District Council Member thlanna neih tur atan nimin khan State Election Commission chuan hriattirna tichhuakin inthlanna chuh tumte tan hian tun thla ni 30 thleng hming pekluhna hun hawn nghal a ni a. Hming pelut te tan May 31 thleng inhnuhdawhna hun hawn leh a ni anga, June 6-ah mipui ten Vote an thlak dawn a ni.

National Health Mission (NHM) huaihawta kar hnih (2) chhung awh tur Kaw\halo dona beihpui thlakna programme, Intensified Diarrhoea Control Fortnight (IDCF) hawnna chu nimin khan Health Minister, Dr. R. Lalthangliana chuan Khatla Anganwadi Centre-ah a hmanpui a, Minister chuan ramchhunga naupang, kum 5 hnuailam tihna thleng ah za zela 10 vel chu kaw\halo vang anih thu a sawi.

State Medicinal Plants Board (SMPB) buatsaih 'Training/Awareness-cum-Buyers/Sellers Meet' chu nimin khan Aizawl Chanmari YMA Hall-ah neih \an a ni a, Vawiin ah chhunzawm a ni ang.

MZP Sub-Hqrs. East Lungdar chuan nimin khan an khawchhung a\anga HSLC leh HSSLC Exam-a hlawhtling thar te lawmpuina leh chawimawina hun an buatsaih.

Aizawl West (ST) Assembly Constituency Bye-Election a thlan tlin, Zothantluanga chu nimin khan Assembly Speaker, Lalrinliana Sailo chuan Mizoram MLA ni turin rinawmna thu tiam tirin a lalut.

School Education Minister, Lalchhandama Ralte chuan zirtirtu hna chu hna zahawm a nih thu sawiin, sawrkar hnathawk dangte nena bukna khata khairual theih an nih loh avangin a \ha zawngin an danglam ngam tur a ni, a ti.

Chief Minister, Zoramthanga chuan nimin khan Sialkal Range Development Council (SRDC) Cell Office thar chu Aizawl Venghlui-ah a hawng a. SRDC hi Sialkal area huamchhunga khua paruk (6) hmasawnna enkawl tura din niin, Lengteng MLA kaihhruaina hnuaiah a awm a, he Council hian Lengteng leh Champhai North Constituency a huam a ni.

Tripura a Bru raltlan te laklet hna thawh hnuhnung ber tura ngaih atana hmalak dan tur ngaihtuahin nimin khan Kolasib-ah District Level Consultative Committee chu District Bawrhsap, Zoengsanga hovin an \hukhawm.

Bhutan International Taekwondo Championship khelh turah India aiawha kal tur zingah Mizoram Amateur Taekwondo Association (MATA) chuan Serchhip mi 5 te chu a thlang.

Serchhip District Magistrate thupek bawh-chhiaa Serchhip District-a Vawk laluttu mi 4 te chu Serchhip District Court chuan thiamloh chan-tirin Rs. 1000/- \heuh a chawitir.

Serchhip Town Sanitation Task Force Committee chu nimin khan Serchhip DC Office Chamber-ah \hukhawmin Serchhip Town chhung leh Serchhip District chhunga a taka Solid Waste Management Rules, 2016 kalpui dan tur an sawiho .

Mizoram Police DIG (NR), Lalbiakthanga Khiangte chuan nimin khan Chhingchhip-ah Police Out-Post thar a hawng a, he Out-Post thar a thawk tur hian Head Constable bakah Constable pathum (3) dah nghal niin Out-Post building thar tur sakna atan hian mi tlawmngai ten a thlawnin ram an pe tawh bawk a ni.

Lok Sabha inthlanpui neih zawh taka ZPM leh Congress Party in an thlawp MP Candidate, Lalnghinglova Hmar chuan, “Politics kan sawi hian thil chhia sawina a ni lo a, thil \ha sawina tur a ni,” a ti.

MNF Vice President, Dr. R. Lalthangliana chuan Lok Sabha inthlanpui neih zawh takah ZPM leh Congress \angrual in nikum inthlana an vote hmuh nena khaikhinin vote 1,10,870 lai an hloh nia sawiin, Congress tlinna chhun bial panga-ah te pawh an tla fai vek niin a sawi.

Goa khawpuia plastic/polythene khap a nih dante zirchiang turin Mizoram Journalists' Association (MJA) member-te leh Aizawl Municipal Corporation (AMC) aiawhte chuan nimin khan Aizawl an chhuahsan.

Mizoram sawrkar chuan thla thar, June 1 a\angin Aizawl khawpui ah lirthei intlanchhawk dan thar a hmang dawn a, mipuite chu thawhpui atan an sawm bawk.

Transport Minister, TJ. Lalnuntluanga chuan nimin khan Aizawl Vanapa Hall-ah Road Safety Week, 2019 hawnna a hmanpui.

District Council & Minority Affairs leh Horticulture Secretary nilai, Rodney Lalrinawma Ralte IAS chu eiruk thubuaiah Court of Special Judge (Prevention of Corruption Act) Special Judge, Thang Lianmang Guite Court-in thiamloh a chantir a, kum 3 chhung hrehawm taka lung In tang tur leh cheng nuai 5 chawi turin a hrem.

Mizoram-ah Zu khuahkhirhna Dan, MLPC Act thlaka Zu khuahkhirhna Dan thar, Mizoram Liquor Prohibition Act, 2019 hman a nih dawn tak avangin nimin khan Serchhip-a Excise and Narcotics Department chuan he Dan thar chung-chang zirhona an nei.

ATMA Serchhip Block chuan nimin khan Serchhip AH&Vety Department hnuaia Kel  leh Bawng vulhtute tan Thenzawl-a AH&Vety Farm-ah Exposure Visit an buatsaih.

Ningani kalta a Serchhip Police leh AH & Vety Department ten Vawk 100 vel zet an man zingah PRRS hrik pai 11 an awm.

Lirthei leh kawngpui-a chetsualna laka fimkhur a pawimawh zia inzirtirna Hapta, Road Safety Week vawi 30-na chu nimin a\ang khan hman \an niin Serchhip-ah pawh he Hapta hawnna hi Serchhip District Bawrhsap hova neih a ni a, thla thar June 2 thleng he Hapta hi hman a ni ang.

Mizoram-a Zu khapna dan siam thar, Mizo-ram Liquor Prohibition Act, 2019 chu naktuk ah Law and Judicial Department in hriattirna chhuahin hman \an a ni tawh dawn.

MNF Vigilance Committee chuan Mizoram hmasawnna atana Central Sawrkar-in Product Infrastructure Development for Destination Circuit (PIDDC) Scheme hnuaia sum tam tham tak a rawn pek ah Sum bo a awm ngeia hriat a nih avangin Lokayukta Chairperson hnenah Complaint thehluh a nih thu an sawi.

Serchhip Police te leh Serchhip-a AH & Vety Department ten Ningani kalta tlaia Kei\um leh Khawlailun inkara Vawk an man neitute chu Serchhip Police ten thubuai an siam sak.

Serchhip Sub-Hqrs. YMA hruaitute chuan Inrinni khan Serchhip khawpui chhunga hmasawnna hnathawh \henkhat te tlawhin \ha tawklo nia an hriat leh siam\hat ngai nia an hriat te chu thuneitute hnenah thlen an tum.

Mizoram sawrkar, TATA Trust, Pullela Gopichand Badminton Academy leh Mizoram Badminton Association te \angkawp buatsaih Badminton zirna tur, Regional Development Centre chu Inrinni khan Serchhip District Bawrhsap, Sangchhin Chinzah chuan Serchhip-ah a hawng.

Nizan hmasa zanlai dar 12:00 vel khan Ko-lasib District-a Saihapui ‘K’-ah leimin in Saihapui ‘K’ VCP, Benjamina In chu a hnawl a, chhung-kaw pa, Benjamina leh a nupui, Tei ten hliam na tak tuarin an fanu, Mary Lalhmangaihzuali (8) chu a boral.

Mizoram Lok Sabha inthlanpui a Candidate te Vote hmuh dan kimchang chu hriat theih a ni ta a, MNF Candidate, C. Lalrosanga chuan amah hnaih bertu, Lalnghinglova Hmar chu Vote 8140 in a hneh a ni.

Serchhip-a Nursing School tur sak chu sak zawh thawkhat a nih hnuah tun thlenga luah ala nih loh avangin a building tam tak chu a chhe leh tawh.

Serchhip District Magistrate, Sangchhin Chin-zah chuan nimin khan thupek thar tichhuak lehin Mizoram-ah Vawk hri, Porcine Reproductive and Respiratory Syndrome (PRRS) leng a la reh lo nia rinhlelh a ni thu tarlangin, he hrileng avanga Serchhip mipuite tan buaina leh harsatna a thlen loh nan Section 144 of CrPc 1973 in thuneihna a pek angin \henawm ram(neighbouring States/Country) leh District dang a\anga vawk leh Vawksa a\anga thilsiam reng reng lakluh khapna thla hnih (2) chhung atan a tichhuak leh bawk.

Serchhip Police te chuan niminpiah tlai khan dan lova Serchhip District-a lakluh Vawk puitling 25 leh a Note, 76 zet an man a, dan lova Vawk laluttu te chungah hian a \ul anga hmalak mek a ni.

Serchhip District Steering Committee on Intensified Diarrhoea Control Fortnight chu nimin khan Serchhip District Bawrhsap hovin a Pisa-ah an \hukhawm a, karleh Thawhlehni a\anga Intensified Diarrhoea Control fortnight (IDCF) hman dan tur an sawiho.

Serchhip Field Road-a Serchhip Press Club sak mek chu nimin khan I&PR Director, David L. Thangliana chuan a hmunah a tlawh.

MJA Serchhip District chuan nimin tlai khan I&PR Department Director a\anga pension tur, David. L. Thangliana thlahna hun Serchhip-ah buatsaihin thlahna thilpek an hlan a. I&PR Director thar tur chu Serchhip DIPRO lo ni tawh a nih avangin a lakah beiseina sang tak an neih thu an sawi bawk.

Mizoram-in zalenna a sual laia Mizo hnam Sipaite Jail an tanna hmun, Tuirial Jail hlui chu nimin zing khan Art and Culture Minister, R.Lalzirliana leh Tourism Minister Robert Romawia Royte te chuan tlawhin Official te leh Ex-MNA hruaitu ten an \awiawm a.

State Level Sub-Committee on Green Mizo-ram 2019 chu nimin khan Forest Minister, TJ. Lalnuntluanga kaihhruaina hnuaiah a Pisa-ah an \hukhawm a, kumin June 11-a Green Mizoram Day hman dan tur an sawiho.

BJP Mizoram chuan nimin khan Aizawl-a an Office-ah India rama NDA Sawrkar thar lo piang leh tur lawmna leh lawmthu sawina hun an nei a, he hunah hian an President, Prof. JV. Hluna chuan MP inthlanpui ah sawrkar siam leh theia an awm chu lawmawm a tih thu sawiin, Mizoram-ah pawh beihna hrang hrang an tawk chunga Vote sing thum dawn an hmu thei chuan Mizoram in BJP sawrkar kan mamawh tih a tilang nia a hriat thu a sawi bawk.

MNF Party chuan thuchhuah siamin Lok Sabha inthlanpui leh Aizawl West-I Assembly bye-election a MNF party Candidate te thlantlin an ni chu lawmawm an tih thu an tarlang.

PRISM Party chuan mipui zara an Party chuan nasa taka hma an sawn thu sawiin, MLA Inthlana an vote hmuh let sawm aia tam MP Inthlana vote an hmu tih an tarlang.

Lok Sabha inthlanpui neih ruala Aizawl West-I Bial Assembly bye-election neih ah MNF candidate, Zothantluanga chu hneh taka thlantlin a ni.

Kumin April 11-a Mizoram Lok Sabha inthlanpui neiha Vote tla te chu nimin khan ramchhung hmundangte rualin Serchhip-ah pawh boruak muanawm tak hnuaiah chhiar a ni.

Lok Sabha inthlanpui a Vote tla te chu nimin khan India ram hmundangte rualin Mizoram-ah pawh chhiar a ni a, MNF Official Candidate, C. Lalrosanga chu thlantlin niin EVM-a Vote tla zawng zawng a\angin Vote 8307 in a hneh a, Postal Ballot/ETPBS-a Vote tla te nen an inhnehna hi la danglam leh hlek tura ngaih a ni.

School Education Minister, Lalchhandama Ralte chuan School endik neih mumal lohna a rei tawh tih sawiin, thar thawh tum a nih thu leh hemi atan hian lirtheite pawh lei a nih thu a sawi.

 Kumin January-March thla chhung khan Mizoram-ah TB vei nia rinhlelh mi 4115 te exam niin heng a\ang hian mi 757 te chu TB vei an ni tih hmuhchhuah an ni. Heng TB vei hmuhchhuah zinga 45 te hi Naupang niin TB vei enkawl a\anga tihdam zat chu 92% a ni.

Naktuk May 24, 2019 hian Mizo Footballer \ha ber ber te inkhel chu Serchhip-ah en theih a ni dawn a, Serchhip District-a Footballer \ha ber berte nen an inhmachhawn dawn a ni.

Mizoram sawrkar in tunhnaia Accredited Journalist atana a pawm thar zinga Serchhip District chhunga mi 10 te hnenah nimin khan Serchhip DIPRO, K. Saitluanga MIS chuan Accreditation Card a semchhuak.

Naktuk-a Lok Sabha inthlanpuia Vote tla te chhiar turin Serchhip District-ah inbuatsaihna peihfel thawkhat a ni tawh a, nimin khan Vote chhiar chhinna, Mock Counting neih a ni bawk.

Ningani kalta a\anga Serchhip Vengchung Branch YMA ten an huamchhunga mi pakhat chenna In an sak chu zofelin nimin khan In neitu hian a luahlut ta.

Serchhip khawpui chhunga Village Council hrang hrangte tan nimin khan Serchhip-a UD&PA Department Office-ah District Urban Development Officer, Vanthangpuii hovin Solid Waste Management Rules 2016 chungchang sawihona neih a ni.

Mizoram Pradesh Congress Committee (MP-CC) chuan sawrkar in Zirtirtu 946 lak a tum dan chu lungchhiatthlak an tih thu an sawi.

Darlawn District Demand Committee chuan Mizoram hmundang te hmasawn ruala hma an sawn ve theih nan Hmar tlangdung tan Administrative District thar pek thuai an phut thu an sawi.

Mizoram Board of School Education (MBSE) in kumin a pawl 10, High School Leaving Certificate (HSLC) leh pawl 12, Higher Secondary School Leaving Certificate (HSSLC) Exam a buatsaiha ti\ha zual mi panga (5) te hnenah nimin khan Chief Minister's Award hlan an ni.

Mizoram Chief Electoral Officer, Asish Kundra-a'n naktuk zing dar 8:00 a\anga Lok Sabha inthlan leh Aizawl West-I Bye-Slection-a vote tla te chhiar turin inbuatsaihna peihfel a ni tawh tih a sawi a, tun \umah hian Assembly bial tinah VVPAT panga (5) \heuh chhiar tel tur anih avangin vote chhiar hun chhung tlemin a rei deuh mai thei tih a sawi.

Thla khat chuang zet Lok Sabha inthlan neih a nih hnuah Pathianni khan he inthlanpui atana Vote thlak chu zawhfel a ni a, inthlan thawh hnuhnung ber, thawh 7-na ah hian vote zaa 65 a tla a ni.

Lawngtlai District-a AH&Vety Farm awmchhun, AH&Vety Farm, Mampui-a Ar awpkeu tirna (hatchery) khawl thar bun a nih hnua a vawikhat nan Inrinni khan Ar note, Rainbow Rooster Layer chu awpkeu tir a ni.

Mizo tlangval, Johny Laltlanmawia S/o Zothanmawia, Ramhlun North Aizawl telna National Security Guard te chuan khawvel-a tlang sang ber, Mt. Everest chu an lawnchhuak ve leh ta.

ZPM Sr.Vice Chairman, F.Rodingliana chuan MP inthlan neih zawh taka Congress leh ZPM thawhdun chungchangah, “Congress nen hian kan in Chibai mai a ni e, ZPM hian kan virginity kan hloh lo,” a ti.

Lok Sabha Inthlanpui leh Aizawl West-I MLA Bye-Election neih zawh takah Electronically Transmitted Postal Ballots System (ETPBS) a vote tla te chhiar turin hun a awh rei dawn thu Returning Officer, Vanlalngaihsaka chuan a sawi.

Naupang Kaw\halo natna thlentu tam ber, Rota Virus venna atan Mizoram-ah Rota Virus Vaccine chu hman \an a ni ve dawn ta a, he Vaccine chungchang zirhona hi nimin khan Aizawl-ah neih niin Rota Virus Vaccine hi Vaccine dang chi hrang hrang Health Department-in a pek \hin (Routine Immunisation) a tel tur a ni.

School Education Minister, Lalchhandama chuan MR Teacher 946 lak thar turah sawrkar chu dan ang thlapa a kal tur thu a sawi.

Serchhip District Road Safety Committee chu nimin khan Serchhip-ah \hukhawmin tun thla ni 27 a\anga Road Safety Week vawi 30-na hman dan tur an sawiho.

 Serchhip Vengchung Pastor Bial K|P Conference in Serchhip Blood Bank-a dah tura thisen pek an rel tawh tih hlawhtlinna kal zelah nimin khan Serchhip Dinthar Branch K|P te chuan Serchhip Blood Bank-a dah turin thisen Unit 10 an pe a, thisen petute hi mipa 6 leh hmei-chhia 4 niin heng mi tlawmngai te hi Blood Bank-ah kalin an thisen hi Blood Bank-a thawk ten an lo lak sak a ni.

Tunhnaia Mizoram sawrkar in Serchhip District a\anga Accredited Journalist atana a thlan mi 10 te hnenah Vawiin chhun dar 12:00 hian Ser-chhip DIPRO chuan Accredited Card a sem dawn.

Serchhip SP, R. Sathiyasundaram, IPS in Serchhip-a tlawmngai pawl hrang hrang te a kawm \uma mipui vantlang nun a ralmuan lehzual theihna tura rawtna hrang hrang an neih te bawhzuina kalzelah Pathianni hmasa a an lo tih tawh angin niminpiah khan Serchhip Police te chuan Serchhip khawpui chhung Veng hrang hrangah Special Drive nei lehin Helmet khum lova lirthei ke hnih nei khalh te, Driving Licence kenglo-a lirthei khalh te, Lirthei documents fello te bakah Dan phalloh a lirthei chuang leh khalh te bakah rui chunga lirthei khalhte dapchhuah hna thawkin dan bawhchhia mi 9 an man a, Dan bawhchhia te pawisa chawi tling-khawm zat chu Rs. 1700/- a tling a ni.

Lok Sabha inthlanpui a Vote tla te chhiar tura inbuatsaihna kal mekah nimin khan Counting Official nilo, Vote chhiar Ni-a duty turte tan Training Serchhip-ah neih a ni.

Mizo Zaimi Inzawmkhawm (MZI) Hqrs. Serchhip chuan Inrinni khan Serchhip-ah Charity Concert an buatsaih a. He Charity Concert hi tunhnaia Serchhip Zozam Veng-a kangmei tuar te \anpuina tura ruahman niin he hun hi an President, Lalengliana Ralte chuan a kaihruaiin hetiang hun an buatsaih chhan leh an hma lo lak tawh dan te a sawi bawk. 

United Penticostal Church (UPC) of Mizo-ram Serchhip Bial Silver Jubilee lawmna chu nimin Pathianni hmang khan neih a ni.

PWD (Highway) kaihhruaina hnuaiah National Highway-54 a Traffic jam nasa zual tih ziaawm nana Aizawl Bawngkawn a\anga Lengpui panna kawng NH. 54 enfiah hna chu nimin khan chhunzawm leh a ni a, nimin khan Hunthar Veng leh Sairang inkar kawng endik niin kawng dipdalna hmun 142 ah chhinchhiah a ni. Hunthar veng leh Sairang inkar kawngpui tichep zualtu chhinchhiah zinga tam ber chu Black Topping hrul a tuizem hun a ni a, Workshop siam ten motor kawngpui a an dah vang te, In sakna bungraw kawng hnaih a dah khawl te leh kawngpui hnaih lutuk a In awm te chuan kawng hi a tichep hlawm bawk a ni.

Zoram Nationalist Party (ZNP) National Council Meeting chuan ZPM-a tel te pawl pakhat a inchhunfin chungchangah an dinna ngaiah an la din reng thu an sawi.

Nimin khan Sports & Youth Services leh Tourism Minister, Robert Romawia Royte hovin a pisa-ah Tuirial Airfield-a NCC Academy dinna tur chungchang rel a ni.

Mizoram Rural Bank (MRB) chuan Financial Year 2018-19 chhungin hlep (Net Profit) cheng Vbc. 8.42 an nei a. Kumin Financial Year a\angin Community Hall Loan pe chhuak turin ruahmanna thar an siam tih nimin khan khan MRB Chairman, V. Jaya Chandra chuan thuthar lakhawmtute a hrilh.

Transport Minister, TJ. Lalnuntluanga hovin niminpiah khan Tlabung-a Kawrpuichhuah leh Kolkata inkar Lawng hmanga Mizoram ei leh bar leh bungrua mamawh chawkluhna tur ruahmanna siam turin a hmunah sawrkar mi pawimawh ten an enfiah.

Aizawl Press Club-a MJA Public Library building chu nimin chhun dar 12:00 khan MJA Gen. Hqrs. President, Zonunsanga Khiangte chuan a hawng.

Social Welfare Department hnuaia District Child Protection Unit (DCPU) buatsaih in nimin khan SIRD Conference Hall, Serchhip-ah Ser-chhip District chhung Middle School-a Nodal Teacher te tan naupang venhimna chungchang zirhona neih a ni a, he hunah hian DCPU Serchhip a thawktu ten zirtirna an pe a ni.

Serchhip District chhung khaw hrang hranga Village Level Enterpreneur (VLE)/CSC te tan nimin khan Serchhip DC Office Complex E-District Facilitation Centre-ah ‘Digitalseva’ hmanga hnathawh tur chi hrang hrangte thawh dan inzirtirna neih a ni a, he hunah hian CH.T. Changrenga, District Manager, E-District chuan zirtirna pein CSC te hnathawh hrang hrangte pawh inzirtir tharna neih a ni bawk.

Serchhip Sub-Hqrs. YMA Education & Youth Affairs Committee leh Dinthar Branch YMA \angkawp buatsaihin nizan hmasa khan Dinthar Community Hall-ah Tleirawl leh rawlthar te pualin Zonun zemawi inzirtirna leh Career Awareness Campaign neih a ni a.

Serchhip Town Development Committee (STDC) hmalakna in Serchhip Bazar Tual laih-zauh hna chu nimin khan thawh \an a ni.

Serchhip Sub-Hqrs. YMA hruaitute chuan Serchhip-a sawrkar Pisa leh zirna In a thawk te Mizo Hnam incheina-a inthuam tura an ngenna a hlawhtlin dan nimin khan enfiahin Mizo inthuamna a inthuam uar zel turin an ngen bawk.

Presbyterian English School Serchhip zirlaite chuan nimin khan Serchhip khawpui chhung ah bawlhhlawh chharfai hna thawkin tunhnaia kangmei tuar an School-a zirlai te hnenah \anpuina an hlan bawk.

Lok Sabha inthlanpuia Vote tla te chhiar tura Serchhip District inbuatsaihna kal mek chu nimin khan Chief Electoral Officer (CEO) Mizoram Office a\angin Joint CEO, H. Lianzela hovin rawn enfiah a ni a, inbuatsaihna te chu a \ha tawk an tih thu an sawi.

MSU in Social Media leh Online Gaming mawhpuh

Kolasib District huamchhunga mipui mimir nitin mamawh Petrol, Diesel, Khawnvartui, Buhfai leh LPG khawih chingpen \hin tihtawp dan tur ngaihtuaha sawrkar mi pawimawh te \hukhawm chuan Essential Commodities Protection Squad an din.

Mizoram-a Fall Armyworm hmuh hmasak berna nia hriat, Nghasih zau, Lunglei-a Vaimim chingtute chu niminpiah tlai khan Lunglei DC, K. Lalrinzuali chuan tlawhin Agriculture Department hotute hmalakna te a enpui a.

Tunlaia Mizoram hmun hrang hranga loneitute Vaimim chin leh thlai \henkhat eichhetu, Fall Armyworm puang mek zirchiang tura Mizoram Sawrkarin phailam a\anga mithiam rual a chah chhuah te chuan nimin tlai dar 2:30 khan Lengpui Airport a\angin Mizoram an rawn thleng a, nimin tlai vek khan Lengpui chhehvela Fall Armyworm in Vaimim huan a beihte chu a hmunah kalin an zirchiang nghal a ni.

Mizoram Pradesh Congress Committee (MPCC) Communication Department chuan Agriculture Minister, C. Lalrinsanga thusawi chuan mahni hnathawh theih dan tur pawh zirchiang peihlo a ni tih chiang takin a tilang niin an sawi.

Edu-Options vawi 17-na chu nimin khan Aizawl-a Dawrpui Multipurpose Centre-ah neih \an a ni a, I&PR Director, David L. Thangliana chuan Edu-Options hi a hawng a ni.

Nizan hmasa khan Serchhip Bazar leh a chhehvel-a dawr pathum chu misual tu tih hriatloh ten a kalhna tichhiain an rawk a, heng dawr te hi Serchhip Bazar Apollo Building-a PC Watch House (Sana siamna leh zawrhna dawr) te, Vanhlira building-a PC Faki Store leh Serchhip Kanan Veng-a VL. Chhingpuii dawr (Grocery dawr) te a ni a, Dawr rawktute hian Dawr chhunga bungraw \henkhat te ruin Police ten misual chhui hna ngawrh takin an thawk mek a ni.

Kar kalta Ningani zan-a Serchhip Medical Quarters-a kangmei chhuak \helh tuma thawkchhuak zinga hliam tuar te chu nimin khan Serchhip SP, R. Sathiyasundaram chuan tlawhin chawimawina thuziak leh pawisafai a hlan.

Nimin-a MBSE in pawl 12, Higher Secondary School Leaving Certificate (HSSLC) Exam result a tihchhuah ah Serchhip khawpui chhunga School hrang hrangte result pawh a \ha thawkhat niin a lang.

Kum hmasa aiin pass percentage a hniam zawk Mizoram Board of School Education (MBSE) chuan nimin khan kumin a pawl 12, Higher Secondary School Leaving Certificate (HSSLC) Exam result a tichhuak a, zirlai Exam zawng zawng a\anga za zela 78.94 in pass-in kum hmasa aiin 1.55% in pass an tlem zawk a ni. Higher Secondary School Leaving Certificate (HSSLC) Exam Result hi nimin chawhma dar 11:30 khan Mizoram Board of School Education (MBSE) chuan a ti chhuak a. Kum hmasa lamah 80.49% pass laiin kum 2019-ah hian 78.94% an pass thung a. MBSE Chairman, Lianhmingthanga chuan, kum hmasa lam aiin pass mpercentage chhe zawk mahse quality a \ha zawk tih sawiin, zirtirtuten Syllabus an bel a, zirna in a \hatpui zawk niin a sawi. Kumin a HSSLC Exam-ah hian Exam tura inziaklut mi 10,876 zingah mi 10,616 in an exam a. Zirlai mi 8380 an pass chhuak a, mi 2030 an Failed a, mi 260 zet Exam lehlo an awmin, Exam laia hnawhchhuah an awm lo thung. Kumin hian mipa aiin hmeichhe Exam beitu an tam leh...

ZPM chuan nimin khan Aizawl-a an Office-ah Chhung Inkhawm neiin he hunah hian an pawl Sr. Vice Chairman, Rev. Darchungnunga chuan Lok Sabha inthlanpuia Congress Party nen an thawhdun chhan chu kan ram, kan hnam leh kan sakhaw humhim nan theihtawp chhuaha \an hun nia an hriat vang a ni ber tih a sawi.

Mizoram Legislative Assembly Session chu thla thar, June ni 12 a\anga nei \an turin Mizo-ram Governor, Prof. Jagdish Mukhi-a’n a ko a. Tun \um hi Mizoram Legislative Assembly 8-na \hutkhawm \um 3-na tur a ni a. Session neih dan tur leh hun hman dan tur chu hun remchang hmasa berah Speaker kaihhruai Bussiness Advisory Committee-in an duang ang.

Central YMA chuan Vaimim eichhetu Pa-ngang (Fall Army Worm) beih dan tur chungchang ah Mizoram sawrkar-in YMA-te a beisei anga hmalak dan tur ruahmanna siamin Khaw tina Vaimim chin tamna zau hmun remchangah Fall Armyworm (FAW) Pangang thlahtu Pheng-phehlep (Moth) tihhlum nan meipui chheh nise an ti a. Hei bakah hian a theih ang kawng kawnga Fall Armyworm (FAW) Pangang that rem tura hmalak nise an tih bakah District tina Rapid Response Team-te YMA-te nen thawhho nise an ti a. Fall Armyworm (FAW) puang hian Vaimim leh thlai dang a khawih pawi theih dan YMA kaltlanga puanzar nise an ti bawk. He ruahmanna an siam ang hian Branch YMA te chu anmahni huamchhung \heuh ah hma la tura beisei an nih thu an sawi bawk.

Tunhnaia Serchhip-a kangmei tuar, PC. Lal-romawia te chhungkua chu Synod Relief Fund a\angin \anpuina sum hlan an ni.

Tunhnaia Serchhip SP, R. Sathiyasun-daram, IPS in Serchhip-a tlawmngai pawl hrang hrang te a kawm \uma mipui vantlang nun a ralmuan lehzual theihna tura rawtna hrang hrang an neih te bawhzuina kalzelah Pathianni khan Serchhip Police te chuan Serchhip khawpui chhung Veng hrang hrangah Mobile Patrolling an nei a.

Lok Sabha inthlanpui neiha Champhai District chhunga Vote tla te chhiar turin inbuatsaihna kalpui mek a ni a, Vote chhiar tura ruat Counting Supervisor leh Counting Assistant te pualin nimin khan Training neih a ni bawk.

Mission Veng Branch YMA chuan Mizoram Chief Secretary hnenah lehkha thawnin December 18, 2014-a Pi Zokhumi w/o J. Lalsangzuala (L) rawng tak leh rapthlak taka thah a nih hnu a tualthattu chhui chhuah chungchang ah sawrkar hmalakna in chhui chhuak zawngin hmasawnna a la nei lo niin tualchhung chanchinbu a\anga an hriat thu leh hrehawm an tih thu an thlen a.

Agriculture Minister, C. Lalrinsanga chuan tunlaia loneitute thlai eichhe mektu Fall Armyworm do turin \an chikim a \an a ngaih thu sawiin, hemi chunchang avang hian mithiam te pawh an rawn kal dawn thu a sawi a. Kan tharchhuah theih vek si in kan tapchhak zawl a luah lum lo chu veiawm a tih thu a sawi bawk.

Tlabung Civil Sub-Division huamchhunga dan lova khaw din ni ngeia hriat Belva-a khawsa te chu thla hnih (2) chhunga an awmna chhuahsan tura hriattir an ni.

Mizoram Pradesh Youth Congress Committee (MPYCC) chuan Mizoram-a Fall Army Worm (FAW) puang mek avangin Mizoram Sawrkar chu Agriculture Emergency puang tura an phut thu an sawi.

Serchhip District Agriculture Officer, C. Lal-nithanga leh a thawhpuite chuan Inrinni khan Hmun\ha khuaa Vaimim chingtu kokhawmin Fall Armyworm suat dan an zirtir a, he hunah hian Vaimim chingtu mi 80 vel telin rannung thahna hlo, Chlorpyriphos pawh bur 100 vel zet an sem nghal a. Hemi hnu hian |in khat hmuna zau Vaimim hmun tlawhin Vaimim kun enfiah ah fall Armyworm hmuh vek a ni bawk.

Serchhip-a UD&PA Department chuan Ser-chhip khawchhung faina nasa lehzuala kalpui tur leh inzirtirna atan Faina inelna hrang hrang tunlai hian an buatsaih mek.

Serchhip Police te leh Serchhip Sub-Hqrs. YMA Kumpuan Committee hmalakna in Inrinni zin khan Serchhip-ah dan lova hnamdang sum-dawng leh Mizo hming hawha Hnamdang sum-dawngte dapchhuah beihpui thlak a ni.

Mizoram Police, Social Welfare Department leh NGO pakhat, Community Health Action Network (CHAN) \angkawpte chuan mihring hmanga sumdawnna (human trafficking) nena inkaihhnawihna nei nia rin Nepali hmeichhe 23-te chu Nepal sawrkar thuneitute kutah an hlan.