MJA President-in Aizawl-ah MJA Public Library building a hawng

Aizawl Press Club-a MJA Public Library building chu nimin chhun dar 12:00 khan MJA Gen. Hqrs. President, Zonunsanga Khiangte chuan a hawng.
MJA Public Library building hawnna hunah hian MJA General Hqrs. President, Zonunsanga Khiangte chuan an thil tih chu MJA tan hun ropui tak a ni tih sawiin, MJA Library building thar an pum theihna turin Aizawl Municipal Corporation (AMC) puihna bakah Rajya Sabha MP, Ronald Sapa Tlau in MP Fund hmanga puiin, Library bungrua hrang hrang leina atan SIPMIU Project Director, Er. Valbuanga'n a puihna ah MJA chu an lawm hle tih a sawi a. MJA Library-in a tum ber pakhat chu lehkha chhiar tam leh tura mi te zirtir a ni tih sawiin, “Phone kan khawih hnemin kan ring ta lutuk a, hemi a\ang ringawt chuan kan thil hriat a chiang lo a, Print ngei kan chhiar hi thinlungah a chiangin a riak nghet a, a tlo zawk a ni,” a ti a. He an \an lakna hi \anlakna sawt lo tak niin lang \hin mah se, mi za-ah mi pahnih khat lek pawhin an lo hlawkpui chuan hlawhtlinna ah an ngai dawn tih a sawi a. MJA Library-a lehkhabu te chu document \ha tak an ni tih pawh sawiin, tlawhtu an nei luai luai lo a nih pawhin Research Scholar tan \angkai tak a nih ngei a beisei tih a sawi bawk.
He hunah hian Mizoram State Librarian hlui leh Mizoram Library Association Vice President, Lalramliana chuan a beisei phak baka MJA-in Public Library a nei chu ropui a tih thu sawiin, “A chhungah hian information hlu leh ropui tak a awm a ni,” a ti. Miten MJA Library atan lehkhabu an donate \hin chu fakawm a tih thu pawh sawiin, hmun laili leh pan remchang tak a nih avangin State Library thachhang dawltu ber a nih theih a rin thu te, Library leh lehkha chhiar chu pension san chi a nih loh thu te a sawi a. Mizoram State Librarian, Zirsangzuali pawhin MJA Library-in record \ha tak a nei thei chu \ha a tih thu sawiin, Library enkawltu Sub-Committee chak tak a nei te, Library din dangte ang lo taka Raja Ram Mohan Roy Library Foundation (RRRLF) puihna tel loa tun dinhmun an thlenpui te chu lawmawm a tih thu a sawi a. Tunlaia Social Media kan hman nasat tawh na chuan tihnual mai lo-a tha thlah lova \an la zel tura a duh thu a sawi bawk.
Kum 2002 March 14 khan MJA Library hi hawn \an a ni a, kum 2007-ah MJA Library Sub-Committee dinin March 18, 2018 a\ang khan MJA member chauh ni lo, mipui a duh apiang tana an lehkhabu neihte hawhchhuah theih tura tih a ni a, tunah hian lehkhabu 5416 an nei mek a. Mizoram State Library leh Mizoram Library Association \angdunin kum 2016 chhunga Library \ha an thlannaah Aizawl khawpui chhung bikah Top 10 dinhmun a luah a, 'Highest Total Donation of Books 2013-2015' a dawng bawk a ni.

Comments

Popular posts from this blog

PAN CARD an tih teh fo hi - Laldinpuia