HSLC Top-10 te MZP in chawimawina an hlan

High School Leaving Certificate (HSLC) Exam result chhuakta a Top-10 a lang Mizo zirlaite chu nimin khanMZP General Hqrs. chuan chawimawina leh lawmpuina hun an hmang a. He hun hi School Education Minister, Lalchhandama Ralte chuan khuallian nia hmanpuiin he hunah hian zirlai 20 te hnenah lawmpuina hlan a ni.

Aizawl Vanapa Hall-a MZP in zirlai ti\ha chawimawina hun an buatsaih ah hian School Education Minister, Lalchhandama chuan kum 2019 HSLC Exam Top 10-a Mizo vek an lang chu lawmawm a tih thu sawiin, Kum dangah Top 10-a hnamdang an lang \hup zel te chu zirlai pawl-a a inhman ve chhung pawhin an vei em em a nih thu leh ‘Engtik nge Mizo vek kan lan ang?’ ti a an thlir leh an tlangau \hinna chuan rah \ha a rawn chhuah chu Hnam ang leh Mizo zirlaite an \hanharhna nia a hriat thu a sawi a, hun lo kal leh zel turah pawh kan chhehvel hnamdang zirlaite elphak loh tura \hahnem ngai tak a zir zel turin a fuih bawk.

Education Minister chuan HSLC Exam result chhuakah kumdang aiin zirlai pass tlem zawkin lang mah se a pass chhun te an tih \hat thu leh an quality zawk thu sawiin, kum 2019 Top 10-a Aizawl khawpui chhung chauh ni lo, Mizoram hmun hrang hrang School a\anga zirlai an lang chu a lawmawm thu a sawi a. Chutih ruala Sawrkar enkawl School \henkhat, zirlai pass miah lo awmna a awm chu pawi a tih thu pawh sawiin, Sawrkar ang pawha enzui a ni dawn tih a sawi a. Zirna In hrang hranga zirtirtu indaihlohna pawh Mizoram sawrkar chuan a vei hle tih sawiin, chu harsatna sukiang tur chuan zirtirtu engemawzat lak a nih dawn thu leh qualify te chiah lak an nih dawn thu a sawi bawk.

MZP Vice President, B. Vanlaltana kaih-hruai he hunah hian MZP President, L. Ramdinliana Renthlei pawhin thu sawiin hetianga MZP ten zirlai ti\hate an chawimawi \hin chu Mizo zirlaite zingah inelna thianghlim awm se an duh vang a nih thu leh Vawiin-a zirlaite hian Mizo hnam kalzel turah hian tih ve tur leh mawhphurhna thuk tak an nei ve a ni tih hria se an duh vang a ni tih a sawi a. Sawrkarin sum tam tak senga a enkawl School te aia, \anpuina pawh dawng ve lo leh zirtirtute hnena hlawh tlem te petu Private School-a zirlaiten result \ha an nei fo zawk mai chuan ngaihtuahna a ti thuiin, kan Education kalphung hi siam\hat deuh chu a ngai a ni tih a ti lang tih a sawi a. Zirna kalphung siam\hat kawngah leh ram leh hnam tana \ha zawk turah chuan MZP a in peih reng tih pawh sawiin, “Zirna siam\hatna kawnga hmalatu apiang chu MZP in a thawhpui thei reng a ni. Khawvelah hian Mizote hi hnam tlemte kan ni a, mahse theihtawp chhuah a kan beih chuan hnamdang tih ang leh hnam dang nih ang hi kan ni ve thei a ni. Zirna a\ang hian kan ram leh hnam siam\hat hi a awl ber a, kan ram leh hnam humhalhna atana \ha ber pakhat chu zirna hi a ni. Lehkha kan zir hian khawi hmun ah pawh awm ila, kan ram leh hnam hmangaihna kan nei tur a ni,” a ti bawk.

He hunah hian zirlai ti\hate lawmman tum saktu, John Lalpeka chuan, ‘‘Engtik ah nge HSLC Topper-te hi an khua/Veng hian an lo hmuah anga, an VC ten LSC te an pek ve ang tih ka lo suangtuah \hin chu kum 2019-ah erawh Topper chu an khua leh Vengin an hmuak tih ka hria a, lawmawm ka ti hle a ni,” a ti a. Zirlaite chu huaisen taka zira hnamdang tluk phak lo tur zirna bei ngawrh tura fuihin, zirlai ten inelna thianghlim tak leh chona an hmachhawn theih nan kum 2019 a\angin HSLC Topper te chu kum khat chhung thlatin GIG Motors-a Unit of 3:16 Plan Solution in Scholarship a pek zel tawh tur thu a sawi bawk.

MZP General Secretary, Lalnunmawia Pautu chuan kum 1995 a\angin mi inphal te zarah zirlai ti\hate chawimawina hun an buatsaih \hin thu sawiin, kumin hian Top-10 a lang zirlai 20 te hi thuziak leh pawisafai hlan \heuh an ni.