YMA hruaitu ten Tuichang Lei dawh mek leh Piler kawng laih mek an enfiah

Serchhip Sub-Hqrs. YMA Vigilance & Monitoring Committee hruaitute chuan nimin khan Kei\um to Ar\ahkawn road, Kei\um leh Khawlailung inkara Tuichang Lei dawh mek chu enfiahin nikum November thla a\anga hnathawh an chhunzawm chinah hnathawh dan chu \ha thawkhat nia an hriat thu an sawi.
Nimin a Tuichang Lei dawh mek tlawhtu Serchhip Sub-Hqrs. YMA hruaitute hi PWD Serchhip Division-a SDO, Lalduhzuala Sailo leh JE, R. Lalrohlua chuan lo dawngsawngin Lei dawh hna an hawh mek leh thawh chhunzawm dan tura ruahmanna an neih te an lo hrilh a, he Lei hi Central Road Fund hnuaia sum hmuh a\anga dawh tur niin a tira ruahman sa ang ni lova Lei hi dawh tura tih a nih leh avangin sum ruahman hi ennawn leh a ni a, hemi ang hian Rs. 8,25,85,000/- sengin dawh a ni dawn a, M/S Sadguru Engineers & Allied Services Pvt. Ltd. Guwahati ten a dawh hna hi an thawk a ni.
He Lei hi kum 2016 December thla a\ang khan dawh niin a tirah chuan RCC Lei, a lai-a ban ding-a dawh tura ruahman leh kum 2018-ah zawh hman tur a ni a, amaherawh chu Lei dawh tura a laia ban ding tur chu tih fuh theih a nih tak loh avangin Built-Up Steel Girder Bridge (Single Span) in dawh tura tih a ni leh ta zawk a, nikum November thla khan hna hi \an leh niin a zawh hun tur pawh pawhsei leh a ni a, March 31, 2020-ah dawh zo tura tih a ni leh ta zawk a ni. Helai hmuna hnathawktute chuan Lei dawh tur innghahna an siam mek chu kumin Fur hmaa zawh hman an inbeisei thu leh tunah hian hna thawh tur zaa 40 vel an zawh tawh thu an sawi a, sawrkar a\angin sum hi an la hmu \halo tih sawiin, chu chu harsatna an tawh ber a nih thu leh tunah hian cheng nuai 250 vel ba an nei tawh tih an sawi a, hlawh pawh thla thum (3) dawn an la tawhlo tih an sawi. Hei bakah hian hnathawktute chuan tuna Tuichang Lei, Beiley Bridge awm mek pawh an thawm\hat thu sawiin, a structure pawh ala \ha viau nia an hriat thu an sawi bawk.
Serchhip Sub-Hqrs. YMA Vigilance & Monitoring Committee hruaitute hian nimin vek khan PMGSY sum hmanga Khawlailung a\anga Piler khaw kawng laih mek pawh an tlawh nghal a, he kawng hi KM 4.160 a thui niin Rs. 6,40,12,042.31 senga siam tur a ni a, he hna hi nikum Sept. 17 a\ang khan thawh niin kumin September 17-ah zawh hman tur a ni a, Aizawl Republic Veng ami, Lalrorenga chuan kawng siam hna hi thawkin tunah hian kawng laihzauh hna hi zawhfel \ep a ni tawh a, tunah hian hna thawh tur zaa 8 chiah zawh ala ni thung. Piler khua te chuan an khaw panna kawng siam meka an duhthu samlo deuh nia an hriat te he hunah hian sawiin, heng te hi sawiho a nih hnuah an hnathawh te enzui pui zel turin an in chah bawk a ni.

Comments

Popular posts from this blog

PAN CARD an tih teh fo hi - Laldinpuia