Latest News

Hmar bial tan District thar pek thuai la phut zel

Darlawn District Demand Committee chuan Mizoram hmundang te hmasawn ruala hma an sawn ve theih nan Hmar tlangdung tan Administrative District thar pek thuai an phut thu an sawi.
Nimin a Aizawl Press Club-a thuthar thehdarhtute an kawmna ah Darlawn District Demand Committee hruaitute chuan kum 1988 a\ang tawh khan Administrative District thar dilna chu vawi tam tak Mizoram Sawrkar-ah an lo thehlutin an lo thlen tawh tih an sawi a. Kum 10 kalta a MNF Ministry hmasaah pawh khan Administrative District an mamawh thu hi an lo thlen tawh tih sawiin, District dangah te chuan District Headquarter a\anga khaw hla ber pawh KM 100 vel te a nih laiin anni ah chuan khaw hla ber Zokhawthiang chu District Hqrs., Aizawl a\angin KM 200 aia hlaa awm a nih thu an sawi a. An Bial chhunga khua hmun sawm a \hena hmun kua (9/10) chu Aizawl a\anga KM 100 aia hlaa awm te an nih thu sawiin, hei hian Aizawl District chu a lianin, helai biala mipuite tan District Headquarter dawr kawngah harsatna an tawh nasat zia a ti chiang hle tih an sawi.
Hei bakah Darlawn District Demand Committee hruaitute chuan Inter-State boundary hrula awm an nih thu leh helai bial tan District Headquarter hi a hlat bawk si avangin, Security thil, dan leh thupek kenkawh kawngah pawh tun aia chak zawka hmalak anih theihna turin Administrative District thar an neih chu a \ul tawh hle nia sawiin, Hmar bial mipuite chu hmasawn lo leh hmasawnna mamawh ber te an ni tih an sawi a. An bial hian hma a sawn ve loh a nih chuan Mizoram hian hmasawn zel mah s, hmasawnna khingbai leh kairual lo a ni ang tih sawiin, Mizoram hmundangte hmasawn ruala hma an sawn ve theih nan Hmar Bial/Tlangdung tan Administrative District thar pek thuai chu an phut thu an sawi bawk.

Comments

Popular News (Last 30 Days)