Vote chhiar turin inpeih tawh

Naktuk-a Lok Sabha inthlanpuia Vote tla te chhiar turin Serchhip District-ah inbuatsaihna peihfel thawkhat a ni tawh a, nimin khan Vote chhiar chhinna, Mock Counting neih a ni bawk.
Kumin April 11-a Mizoram Lok Sabha inthlanpui neiha Serchhip District-a Vote tla te chhiar tur hian inbuatsaihna ngawrh taka kalpui niin tunah chuan inbuatsaihna pawh peihfel thawkhat a ni tawh a, Counting Official te tana training pawh ni hnih (2) neih ni tawhin Counting Official te puitu tur te pawh training pek an ni tawh bawk.
Hetianga inbuatsaihna peihfel thawkhat a nih hnu nimin khan Serchhip District Election Officer, Sangchhin Chinzah hovin Vote chhiar chhinna, Mock Counting chu neih niin he hunah hian Ser-chhip Addl. DEO, Chuauhnuna leh SDO (Sadar), R. Vanrengpuia te bakah National Informatics Centre (NIC) Serchhip-a District Informatic Officer, Lalruatmawia Zadeng leh sawrkar Official te an tel a, vote tla te chhiar hnua Report siam dan leh report thawn dan tur tihchhin niin Counting Hall-a duty tur Videographers te tan training neih nghal a ni bawk.
Serchhip District-a Vote tla te chhiar tur hian naktuk zing dar 7:30-ah EVM leh VVPAT te dahna, Strong Room chu hawn a ni anga, zing dar 8:00 a\angin Vote tla te hi chhiar tura ruahman niin Vote chhiarna atan hian Counting Centre pathum (3)- Serchhip DC’s Conference Hall-ah hmun hnih (2) leh DC Office General Room-ah hmun khat siam a ni a, Serchhip Constituency tana Counting Hall-ah hian Counting Table 6 dahin Tuikum Assembly Constituency tana Counting Hall-ah Counting Table 8 leh Hrangturzo bial tana Counting Hall-ah Counting Table 7 dah a ni dawn a ni.
Lok Sabha inthlanpui atana Vote tla te chhiarna tura inbuatsaihna hnuhnung atan Vawiin hian Counting Agent te tan Briefing hnuhnung neiin Police te tan pawh Briefing neih nghal a ni bawk ang.

Comments

Popular posts from this blog

PAN CARD an tih teh fo hi - Laldinpuia