In kang senghawi hna thawk

Nizan hmasa a kangmei tuar bungraw seng-hawi hnatlang chu nimin khan neih niin kangmei tuar te tan hian mi \hahnem takin \anpuina an hlan bawk.

Nizan hmasa a Serchhip Medical Quarters kang avanga PC. Lalromawia te In kang senghawi hna hi nimin khan Serchhip-I VC leh Serchhip Vengchung Branch YMA \angkawp huaihawtin neih a ni a, he hnatlang ah hian mi 200 vel zet an thawkchhuak a, kangmei tuar te tan hian Serchhip Medical Complex-a Quarters pakhat chu chei\hat niin hetah hian an bungraw neih ang ang te dahluh nghal a ni a, Serchhip Vengchung Branch YMA chuan kangmei tuar te tan hian Vehbur khawnin In kang hi sawrkar Department Quarters a nih avangin sak \hat hna erawh thawh a ni dawn rihlo a ni.

Kangmei tuar te tan hian Bialtu MLA, Lalduhoma chuan Rs. 3000/- pein Adviser to Chief Minister, C. Lalramzauva chuan Rs. 2000/- a pe a, Salvation Army ten Rs. 4000/- pein MNF |halai ten Rs. 1000/-, CMO Office Staff in Rs. 2000/-, Presbyterian Vengchung Kohhran in Rs. 10,000/-, DC Office in Rs. 3000/-, State Bank Manager in Rs. 2000/- leh Apex Bank in Rs. 1000/- pein mimal tlawmngai ten sum leh pai \hahnem tak an pe bawk a, \anpuina sum lut zawng zawng hi 59,690/- niin vanduaina a hliam tuar te hi bialtu MLA, Lalduhoma chuan kanna sum a hlan bawk a ni.