Lirthei register thar 838

Serchhip District Transport Office-ah nikum April thla a\anga kumin March thla thleng khan motor 838 register thar a ni a, lirthei Register thar te hnena High Security Number Plate pek chhuah muang lutuk \hin chu chak zawka pek chhuah tuma hmalak mek a ni.

Aizawl tih loh, District danga District Transport Office-ah te High Security Number Plate pekchhuah hi a muang hle a, Serchhip-ah pawh hian lirthei register thar ten thla tam tak chhung an nghah a ngai \hin a, Transport Minister, TJ. Lalnuntluanga’n tunhnaia Serchhip a tlawh \uma a sawi angin kumin February thla a\ang khan chak zawka High Security Number Plate pekchhuah anih theih nan hmalak a ni a, Aizawl-ah chuan ni 3 chhunga peih hman tur leh Aizawl pawn lamah chuan ni 7 chhunga peih hman turin ruahmanna siam a ni a. Hemi ang hian chak taka hmalak mek a ni.

Serchhip DTO Office a\anga thudawn danin kum 2018-2019 chhung khan Serchhip District Transport Office-ah Motor chi hrang hrang 838 register a ni a, heng zingah hian Two wheeler tam berin 516 register a ni a. Private Car 170, Goods Career (Pik-Up, 407 truck, etc) 99, Auto Ricksaw 19, Maxi Cab 7, Excavator 2, Tractor leh Bus 1 ve ve te registered an ni bawk.