Minister hovin P&E Deptt. hnathawh thlirletna nei

Power & Electricity Department chuan nimin khan ATI Auditorium-ah an hmalakna thlirletna hun an hmang a, he hun hi P&E Minister, R. Lalzirliana chuan a hmanpui.

Nimin a P&E Department Review Meeting-ah hian P&E Minister, R. Lalzirliana chuan thawhhona \ha hnuaiah chuan hna a sawtin hnathawh pawh a nuam \hin tih sawiin, thawhhona \halo hnuaiah chuan hma-sawn a har hle \hin tih a sawi a. P&E Department hnuaia hmalakna hrang hrang awm te chu hun tak a zo \hin tur te, tha thlah lova vil reng tur leh huaisen tak a hna thawk turin a chah a. “Dan ang tak leh dik taka hna thawk \hin te tan hlauh tur a awm lo a ni,” a ti.

He hunah hian P&E Engineer-in-Chief, Er. C Lianlunga chuan P&E Department hnuaia hmalakna hrang hrangte sawiin, Grid Discipline \ha zawm a pawimawh thu a sawi a, “Kawl-phetha pekchhuahna kawngah harsatna a awm hian a chhan leh vang te, hmalak anih zel dan te inhrilhhriat zung zung hi kan mawhphurna a ni a, kan thawhhona kawngah pawh a sawt phah hle dawn a ni,” a ti.

Nimin a P&E Department Review Meeting-ah hian P&E Department chhunga SDO chin chunglam telin Project Works hrang hrang a hmalakna te sawiho a ni a, huntiam chhung a \ha taka heng project te hi zawh ngei anih theih nan hmachhawp leh bawhzui nghal tur pawi-mawh tak tak te duan chhuah a ni.