Jail hlui humhalh dawn

Mizoram-in zalenna a sual laia Mizo hnam Sipaite Jail an tanna hmun, Tuirial Jail hlui chu nimin zing khan Art and Culture Minister, R.Lalzirliana leh Tourism Minister Robert Romawia Royte te chuan tlawhin Official te leh Ex-MNA hruaitu ten an \awiawm a.

He hunah hian Tourism Minister, Robert Romawia Royte chuan Mizo hnam tana chhinchhiah tlak leh hmun pawimawh tur, \hang lo thar zelte pawhina kan la hlut em em tur Tuirial Jail hluia kan Hnam sipaite sulhnu tlawh tur leh hmuh tur la awm chu lawmawm a tih thu sawiin, “Nakinah chuan ramdang mite chuan hetiang hmun kan nei te hi hmuhnawm an la ti hle dawnin ka hria a. A theih ang angin sawrkarin hma a la zel dawn a ni,” a ti a. Art and Culture Minister, R. Lalzirliana pawhin Mizo hnam tana rohlu leh \hang leh tharte pawhin kan chhin-chhiah atana pawimawh em em Tuirial Jail-a kan hnam sipaite hmun hlui hi a theih ang anga humhalh a, Mizo mipuite tlawh leh hmuh theih tura chei a nih tur thu a sawi bawk.