ICFAI University-a zirlai leh thawktute lungawilo Aizawl-a CM Office bulah an pungkhawm

Institute of Chartered Financial Analysts of India (ICFAI) University Mizoram, Students Action Committee (SAC) leh ICFAI University Mizoram Employees’ Forum te chuan hun rei tak a\anga lungawilohna an lantirna kal zelah nimin zing khan Aizawl-a Chief Minister Office luhna Gate bulah lungawilohna an lantir.

ICFAI-a zirlai leh hnathawkte pungkhawm chuan niminpiah-a CM Office-a ICFAI Society aiawhte leh Chief Minister inbiakna ah zirlai Fee sang lutuk te, an Library Standard hniam lutuk chinfel dan an sawi dawn emaw tih laia, Mizoram sawrkar sum hmanga ICFAI Society, Hyderabad \anpui tumna a awm nia hriat chu an lungawilohna anih thu an sawi a. Hemi chungchang hi Council of Minister in Chief Minister Office-ah an ngaituah nia an hriat avangin an duhlohzia entirnan leh Mizoram sawrkarin ICFAI Society \anpuina sum pe lo tura ngenna ziaka thlenin, Chief Minister Office bulah hian lungawilohna an lantir ta tih an sawi.

ICFAI University a zirlaite leh thawktute hian kumin March ni 28 khan zirlaite Fee tihniam tur leh Facilities \ha zawk pe turin lungawilohna an lo lantir tawh a, ICFAI Society, Hyderabad lamin zirlai fee chungchangah fee tihhniam tumna an neih loh avangin kumin April ni 23 khan Prospectus halin lungawilohna an lantir leh a, August thlaa Semester thar \anna tura Prospectus siam tawh pawh MZP te nena \angrualin Hyderabad-ah an thawn let leh a. Hetianga harsatna a awm avanga ICFAI University Chancellor, JP. Rammapa hova nimin-a ICFAI University-a meeting nei tura ruahmanna siam ah ICFAI Society laka an lungawilohna thuziak te an ken laia Chancellor in zirlai naupangte hmu duhlo leh buaina chingfel duh lova a Motor a\ang pawh chhuk lova a kirsan chu an lungawiloh thu zirlaite chuan an sawi bawk.

Hetihlai hian nimin zing a Chief Minister, Zoramthanga hova Cabinet Meeting chuan ICFAI University, Mizoram a harsatna tawh mek te chinfel dan tur ngaihtuahin ICFAI University Act leh ICFAI University Mizoram in a harsatna a neih hrang hrangte zirchiang a rawtna siam turin Mizoram Chief Secretary kaihhruaina hnuaiah Committee an din bawk.