Dumping Ground sawn \ul ti

Serchhip Sub-Hqrs. YMA Kumpuan Committee chuan Serchhip leh Kei\um inkara bawlh-hlawh paihna hmun chu sawnchhuah a nih theih nana hma la turin Serchhip District Bawrhsap an ngen.
Serchhip Sub-Hqrs. YMA Kumpuan Committee hruaitute hian nimin khan Serchhip District Bawrhsap, Sangchhin Chinzah hi a Pisa-ah hmuin UD&PA Department in Serchhip khawpui chhunga bawlhhlawh an lakkhawm an paihna hmun, Serchhip Dumping Ground a\anga mei chhuak nia hriat in kumitin mai a chhehvel ram a ti kang \hin leh hemi avanga YMA, VC leh sawrkar in tha leh zung, sum leh pai tam tak sen a ni \hin chu \halo an tih thu an sawi a. Serchhip Dumping Ground bulvel chu kham a nih avangin kangmei a chhuah thulh ah pawh chet vel a harsat avangin kangmei hi a nasat zual \hin thu a sawi a. Hei vang hian Serchhip Dumping Ground hi sawnchhuah a nih theih nana hma la turin Bawrhsap hi ngenin an ngenna hi ziakin an thehlut bawk a ni.
Serchhip District Bawrhsap chuan YMA hruaitute ngenna chu tihpuitlin ngei atana a \hat thu sawiin, Serchhip-a DC hna chelh tura a rawn awm tirh a\anga Vawiin thlenga Dumping Ground chhehvel ram a kan ziah thu leh hei hi \ha a tihloh thu pawh lo sawiin, Dumping Ground sawn a nih theih nan theihtawp chhuah a tum thu a sawi bawk.
Hemi hnu nimin chawhnu khan YMA hruaitute hian Serchhip DUDO, Vanthangpuii pawh hmuin Bawlhhlawh paihna chungchang hi an sawipui a. DUDO chuan Dumping Ground sawnna tur hmun remchang zawn mek a nih thu leh an hmuh hunah hotu lian zawk hnena an thlen tur thu alo hrilh a ni.

Comments

Popular posts from this blog

PAN CARD an tih teh fo hi - Laldinpuia