Congress nen hian kan in Chibai mai a ni e, ZPM hian kan virginity kan hloh lo - ZPM Sr. Vice Chairman

ZPM Sr.Vice Chairman, F.Rodingliana chuan MP inthlan neih zawh taka Congress leh ZPM thawhdun chungchangah, “Congress nen hian kan in Chibai mai a ni e, ZPM hian kan virginity kan hloh lo,” a ti.
Nimin a ZPM in Aizawl-a an Office-a Chhung Inkhawm an neih ah ZPM Sr. Vice Chairman chuan Lok Sabha inthlanpui neih zawh tak chungchang hi sawiin, tun \um MP inthlanah khan kan ram kan hnam leh sakhua himna tur ni-a an ngaih avangin, Congress unaute nen BJP do turin hma an la ho tih a sawi a. “Kan ram leh sakhua a him loh chuan a pawl mala lo hìm bikin awmzia nei lova kan hriat avangin ZPM hma lam hun (future) turte hlan chungin, mahni indah\hain ram tan kan pen chhuak ta a ni,” a ti a. “Kan ram, kan hnam, kan sakhua a him dawn lo ni-a kan hriat phawt chuan pawl sawi lova kan pen ngamna hian Zoram siam kan tumna kawngah thu thui tak a sawi niin kan hria. Congress nen hian kan in Chibai mai a ni e, ZPM hian kan virginity kan hloh lo,” a ti bawk.
ZPM-a beiseina nghattu \halaite chu beidawng lo tura chahin ZPM Sr. Vice Chairman chuan, “Congress nena MP leh Aizawl West-I bye-election a kan thawhhona-ah hian thil dang a awm lo a ni tih leh, kan inzawm ta emaw, ‘a thlum a al ei zâ-in suar khatah kan tla ho ta e’ tihna a ni lo,” a ti a. “|halaite visions leh dream te chu pâwl dangah a hlawhtlinna a awm lo a; ZPM chuan a pumpui tlâng chhah leh a ril phiar te chu kan \halaite tan kan dah dawn a, kan fatute chuan mi ei hnu-ah, VIP culture dah \hain Mizo takin, Zoram tan a chawnghei huamin kan thawk dawn a ni,” a ti bawk.

Comments

Popular posts from this blog

PAN CARD an tih teh fo hi - Laldinpuia