Doctor awmna siksawi nual

Mizoram Public Service Commission (MP-SC) rawtna angin Health Department chuan Mizoram sawrkar hnuaia thawk turin Doctor engemaw zat a la thar a, Serchhip District Hospital-ah Specialist pahnih (2) awm tura tih an ni.

MPSC in rawtna a siam anga Mizoram sawrkar Health Department in Mizoram Health Sevices hnuaia Grade-III Doctor a lak thar zingah hian Dr. K. Vanlalhriati (Paediatrician) leh Dr. Joseph Lamuanpuia Hauzel (ENT) te chu rawn awm thar tura tih an ni a, hetihlai hian Serchhip a Doctor awmsa zinga mi 3 chu sawnchhuah an ni thung a, Dr. K. Lallawmzuala (Medicine) chu Lawngtlai-ah sawn niin, Dr. Zochampuia Ralte (Surgery) chu Kolasib-ah sawn leh a ni a, Dr. Rita Zoramthari (ENT) chu Aizawl-ah sawn a ni bawk. Sawrkar in Doctor a lak thar zinga Ser-chhip a\anga tling, Dr. Lalruatliana Pachuau (Surgery), Serchhip AOC Veng chu Champhai-a awm tura dah a ni bawk.

Heng bakah hian Doctor engemaw zat an awmna siksawi leh lak thar awmna tur siam zingah Dr. Richard Lalrinmawia Ralte (Medicine) chu Bilkhawthlir a\angin Serchhip-a rawn awm tura sawn a ni bawk a, Dr. Laldinpuii chu East Lungdar PHC-a awm tura dah niin Dr. C. Lalhmangaiha chu North Vanlaiphai PHC-a awm tura dah a ni bawk a, Dr. Lalhriatpuia Chhangte chu Ngentiang PHC a awm tura dah niin Dr. Zomuanpuii chu Khawlailung PHC-a awm tura dah a ni bawk.