Serchhip Town Sanitation Task Force \hutkhawm neih a ni

Serchhip Town Sanitation Task Force Committee chu nimin khan Serchhip DC Office Chamber-ah \hukhawmin Serchhip Town chhung leh Serchhip District chhunga a taka Solid Waste Management Rules, 2016 kalpui dan tur an sawiho.
Serchhip Town Sanitation Task Force Committee \hutkhawm hi Addl. DC, Chuau-hnuna chuan kaihruaiin Meeting hian Solid Waste Management Rules, 2016 hnuaia tihhlawhtlin ngai hrang hrang an sawiho a, Solid Waste Management Rules, 2016 hnuaiah hian chhungkaw tinin an bawlhhlawh te hi chi thum- \awih thei, \awih theilo leh Mihring tana hlauhawm tur pai (hazardous) ah \hen hran vek \hin tur a ni a. Bawlhhlawh paihna atan hian Dumping Ground ti bo in Solid Waste Management Centre neih tawh tur a ni bawk a. Tunah hian Serchhip khawpui tana hman tur Solid Waste Management hmun tur hi Village Council te nena inrawnkhawm chunga zawn mek a ni.
Solid Waste Management hmalakna ah hian Model Village neih tura tih niin, District Capital bakah khaw pathum thlan tur a ni a. Hemi atan hian thuneitu sang zawk a\anga rawn thlan sa Leng khua bakah Khawlailung leh Buangpui thlan an ni bawk. Hei bakah hian Serchhip khawpui-a Thirchhe zawng, Lehkha chhe zawng leh bawlhhlawh hai-a eizawng te chungchang pawh he hunah hian sawiho niin hetiang te hi in register vek tawh tur a ni a, Registration hi District Urban Development Officer (DUDO) Office, Serchhip-ah tih tur a ni a.
Nimin Meeting hian World Environment Day, 2019 hman dan tur pawh relin he Ni hi June 5-ah hman tur ni mah se Id-Ul-Ftr a nih avangin June 7-ah hmang turin an rel bawk a, he Ni denchhen hian Serchhip khawpuiah Plastic bawlhhlawh chharkhawm hnatlang runpui neih tur a ni a. Serchip DC Office tual-ah a hawnna neih tur a ni ang.

Comments

Popular posts from this blog

PAN CARD an tih teh fo hi - Laldinpuia