Thla khat chuang zet Lok Sabha inthlan neih a nih hnuah Pathianni khan he inthlanpui atana Vote thlak chu zawhfel a ni a, inthlan thawh hnuhnung ber, thawh 7-na ah hian vote zaa 65 a tla a ni.
Lok Sabha inthlan vawi 17-na ah hian political hruaitu mi 8049 ten seat 542 an inchuh a, Deputy Election Commissioner, Umesh Sinha chuan kum 2014 inthlan aiin kumin a inthlanah boruak a muanawm zawk niin a sawi. Vote tla te hi May ni 23, tunkar Ningani khian rampumah a ruala chhiar a ni ang.
Inthlanpui tluang taka zawhfel anih hnuah ram khawpui ber Delhi-ah chuan party tin ten chak inringin, inthlan thlirhona an nei hlawm a. BJP President, Amit Shah chuan Vawiin hian NDA hruaitute chawhlui a kilpui dawn a ni. Hetihlai hian eptu party te chuan ramchhungah Non-BJP Rally nei turin hmalakna an kalpui ve mek bawk a ni.
Lok Sabha inthlan vuakvetah hian hmun hrang hrang a\angin Pawisa, Zu leh Drug cheng vbc. 3450 hu a man a, hei hi kum 2014 inthlan laia cheng vbc. 1206 hu an man aiin a let 3 dawn in a tam zawk a ni.
.jpeg)
Comments
Post a Comment