Latest News

Fall Armyworm do tur hian \an chikim a kan \an a ngai - Agriculture Minister

Agriculture Minister, C. Lalrinsanga chuan tunlaia loneitute thlai eichhe mektu Fall Armyworm do turin \an chikim a \an a ngaih thu sawiin, hemi chunchang avang hian mithiam te pawh an rawn kal dawn thu a sawi a. Kan tharchhuah theih vek si in kan tapchhak zawl a luah lum lo chu veiawm a tih thu a sawi bawk.

Nimin-a Aizawl Mizo Hnam Run-a MNF Chhung Inkhawma thu a sawina ah Agriculture Minister chuan tuna kuthnathawktute tibuai em emtu Fall Armyworm hi April ni 8 khan an lo buaipui daih tawh tih sawiin, “Nghasih ruam-a hmuh a nih tirh khan kal turin ka insiam vek tawh a, Model Code of Conduct avanga buai ka hlauh avangin ka \hulh leh a. Theihtawp chhuaha he rannung chimawm, Fall Armyworm do tur hian Department lam pawh ka hrilh a. Department lam pawhin an theihtawp tak meuh an chhuah a. Office nghaktu mumal pawh awm lova Fall Armyworm Department-in an buaipui takah chuan, 'Hetia vai vaia buaipui chu a fel love' tiin a buaipui zual biktu tur Rapid Responce Team kan din ta chauh zawk a ni,” a ti a. He rannung hi an inthlah pung chak em em tih sawiin Agriculture Minister chuan, “Hmanrua kan neih ang zawng zawng hmangin he rannung hi kan bei a ni. Central YMA meuh pawh thawhpuiah kan sawm ta hial reng a ni. Action plan hrang hrang pawh kan nei a, kan theihtawpin kan do mek zel a ni,” a ti a. “Khawvel ram zau zawka an beih dan hrang hrangte pawh kan zir nasa hle. Phailam a\angin Scientist rual pawh hemi chungchang ah hian an lo thleng thuai tawh dawn a ni,” a ti bawk.
Kan tharchhuah theih vek siin kan tapchhak zawl a luahlum lo chu Agriculture Minister a nihna angin a vei hle tih pawh sawiin Agriculture Minister, C. Lalrinsanga chuan, “Purun, Alu, Tel, buhfai leh purunvar tal hi chu intodelh turin kan kuthnathawktute ka cho duh a. Buhfai bikah phei chuan kan tharchhuah hi Supply Department-in a lei thei dawn a, kan tharchhuak a lawmawm em em piah lamah sawrkar-in a subsidy-na pawisa pawh vai ipte-ah ni lova Mizo pa ipteah a lut hrim hrim tur kha a lawmawm thuah hnih hle dawn a ni,” a ti bawk.
Tunhnaiah Martar pahnih in Hnam Run an lawi tih a hriat thu leh hei hian Nationalism a nung reng tih a entir tih pawh sawiin C. Lalrin-sanga chuan, “Nationalism hi MNF ta bik a ni lova, Congress leh ZPM ta pawh a ni tho a, chutih laiin a kuahlum bik erawh kan awm a ni,” a ti a. “Mizo Nationalism hi Pathian in he Hnam tana min pek a ni a, Nationalism thinlung taka kengtu te chu Pathian in mal a sawm ngei ngei \hin. Opposition nih lai chauh ni lo, ruling kan nih lai pawh hian Nationalism hi kan kengkawh tur a ni,” a ti bawk.

Comments

Popular News (Last 30 Days)