Chief Minister in MESA Conference a hmanpui

Mizoram Engineering Service Association (MESA) chuan nimin khan General Conference vawi 39-na hmangin he hun hi Chief Minister, Zoramthanga chuan a hmanpui.
Mizoram Sawrkar hnuaia Department hrang hranga thawk Engineer te intelkhawmna pawl, Mizo-ram Engineering Service Association (MESA) inkhawmpui CIRA Garden, Lawibual-a neih ah hian Chief Minister, Zoramthanga chuan Mizoram chu kawng engkimah, ram a ni emaw, sik leh sa nuam a ni emaw, thei leh thlai chitin chin theihna kawngah a ni emaw, ruahtui a ni emaw, Pathian malsawmna nasa takin kan dawng tih sawiin, heng kan hausakna ‘asset’ te hi thil tihtheihna leh hna-thawh theihna ‘potential’ \ha tak a nih thu a sawi a. Hengte hmangin Zoram hi hnute tui leh khawizu luanna ramah kan siam thei tih sawiin, “Kawng hrang hrangah kan intodelh thei a. Mahse chumi tihlawhtling tur chuan kan rilru sukthlek leh ngaihtuahna ‘mindset’ kan thlak a ngai a ni,” a ti.
Chief Minister chuan Sawrkarin Mizo contractor leh supplier te hna lian thawk thei tura tih hmasawn a duh thu sawiin, hna lian an khawih theih nan ngaituahna sen a \ul a. Heng te hi Works Department pawhin an rilru-ah lo nei se a duh thu a sawi a. Sawrkarin hnamdang contractor leh supplier te a tlem thei ang berah chhawr leh hman a duh tih sawiin, Engineer rual kalkhawm te chu an khawl te enkawl kawngah \an la thar a, hman tlak lova a awm loh nan a siam\hat leh a enkawl te chu ngai pawimawh turin a chah bawk.
MESA Conference-ah hian Member 2 boral te sunna hun hman niin an member Pension-a chhuak mi 11 te thlahna hun hman a ni a, an Member 40, Grade hrang hranga kaisang te lawmpuina leh member thar 2 te lawmluhna hun te hman a ni bawk. MESA hi May Ni 14 1972 ah din niin Member 400 chuang an awm a ni.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia