Passing-Out hun hmang

Mizoram Excise & Narcotics Constable Training Batch 9-na leh Mizoram Home Guards & Civil Defence-a Training Batch 39-na te chuan nimin khan CTI, Sesawng-ah Passing-Out an nei a, Home Minister, Lalchaliana leh Excise Minister, K. Beichhua te chuan an telpui a ni.
Nimin a he Passing-Out hunah hian Home Minister, Lalchamliana chuan Excise & Narcotics Department-a thawktute chu mipui rawngbawltu, a bikin Zu leh ruihhlo laka venghimtu an ni tih sawiin, NDPS Act 1985 leh MLTP 2019 te keng-kawh tura khaipa an nih thu leh ram leh hnam hmangaihna rilru dik tak pu chunga thawk turin a fuih a. Mizoram Home Guards & Civil Defence Volunteer-te pawh venhim hna pawimawh tak thawktute an niin sawrkar hmun pawimawh hrang hrang vengtu an ni a, heng bakah rikrum thil hrang hranga \angkai taka hna lo thawk \hintute an nih avanga an chhuanawm hle a ni, a ti bawk .
Khual zahawm Excise Minister Dr. K. Beichhua pawhin mahni hna rinawm tak leh taima taka thawktute chu mi ngaihsanawm an ni tih sawiin, damchhung tawite hman \hat a pawi-mawh thu a sawi a, ram leh hnam tana malsawmna ni turin a fuih bawk.
CTI, Sesawng-a Basic Training hi nikum Oct. 29 khan \an niin Mizoram Home Guards& Civil Defence-a Basic Training Passing Out Parade neite hi Mipa 36 leh Hmeichhia 3 an ni a. Mizoram Excise & Narcotics hnuaia Training te hi Constable leh Wireless Operator 52 an ni bawk.
Nimin a he hun hmanna ah hian Training chhunga mimal ti\hate hnenah lawmman hlan niin F. Ramdinthara, Excise & Narcotics chu Best Allrounder-ah thlan a ni a, F. Lalhmuak-liana, MRHG&CD chuan Best in Discipline lawmman a dawng bawk.

Comments

Popular posts from this blog

PAN CARD an tih teh fo hi - Laldinpuia