Parking House siam diltu mi 46 te dilna pawm a ni

Parking House Committee for PAHOSS (Parking House Support Scheme) chu nimin khan Chief Minister, Zoramthanga hova \hukhawmin khawpui lunlai-a Parking House sakna tura hmalakna kal mek chungchang an thlirho.

Aizawl khawpui lun laia lirthei dah (park)-na awm tlem avanga buaina tiziaawm tura hmalakna, Parking House Committee for PAHOSS kaltlang hian khawpui chhung hmun hrang hrangah Parking House siam tum niin he ruahmanna hnuaiah hian mi engemawzat chuan an In sak lai leh sak turte Parking House-a siam duhin sawrkar-ah dilna an thehlut tawh a. Nimin \hutkhawmah hian heng te hi thlirho niin, a thawhkhatna atan 46 chu pawm a ni a, Aizawl khawpui hmun hrang hrangah a vaiin heng Parking House vang hian lirthei 1036 park-na hmun a awm thei dawn a ni. Heng Parking House pawm takte hi a \hen chu reilote a hman nghal theih tur niin, hmun \henkhatah chuan sak lai mek leh la din chawp tur te pawh a tel a ni.

Nimin a Chief Minister Office Cabinet Meeting Room-ah\hutkhawm ah hian Chief Minister chuan Parking House chu a In neitute tan sum lakluhna hlawk thlak tak a nih tur thu leh an ram chu sawrkarin a neih sak tihna a nih loh thu sawiin, vantlang tan \angkaia siam turin sawrkar sum puihna nena hma lak dunna a nih thu a sawi a. Parking House-ah hian mimal In dinglai emaw, hmun ruak remchang, Parking House sakna tur atana hman theih an neih chuan vantlang motor park na hmun atan sawrkarah an dil thei a. Motor park-na Fee hi In neituten a vaiin an chang zel ang a. A tlem berah parking house pakhatah hian LMV panga (5) emaw, Two Wheeler 30 tal a leng tur a ni a. Sawrkar a\angin motor pakhat (LMV) ah emaw, Two Wheeler paruk (6) zelah \anpuina cheng nuai khat chu Parking House neitute hian an dawng dawn bawk a ni.