Sum awmna chin puangzar turin sawrkar phut

MNF Vigilance Committee chuan Mizoram hmasawnna atana Central Sawrkar-in Product Infrastructure Development for Destination Circuit (PIDDC) Scheme hnuaia sum tam tham tak a rawn pek ah Sum bo a awm ngeia hriat a nih avangin Lokayukta Chairperson hnenah Complaint thehluh a nih thu an sawi.

Inrinni-a Aizawl Press Club-a thu-thar thehdarhtute an kawmna hunah MNF Vigilance Commitee Secretary, David R. Lalsawmtluanga chuan Mizoram hmasawnna atan Central Sawrkar-in Product Infrastructure Development for Destination Circuit (PIDDC) Scheme hnuaiah sum tam tham tak a rawn pek thu leh heng sum hi vawihnih pek atan ruahman niin pek hmasak (1st Instalment) hman zawh hnuah sum la bang zawng (2nd & Final Instalment) rawn pekchhuah leh tura ruahman a nih laiin Rs. 4019,91,000/- lai mai chu Ministry-a inthlak avangin Central Sawrkarin a rawn titawp tih a sawi a.

MNF hruaitute chuan State dangte chuan hetianga hmalakna laklawh deuhte hi kalsan mai lovin anmahni State sumin an chhunzawm hlawm tih sawiin, Mizoram-ah chuan sum tam tak awm chungin heng hmalakna laklawh tak takte hi ngaihtuah a nih loh thu leh run dalah cheng nuai 304.08 an dah ve pawh a hmanna turah hman a ni lo tih a sawi a. He sum hi a awmna chin hrilh an phut thu a sawi a. He sum hmanna tura ruahman zingah hian Tourist Lodge, Khawzawl-a sakna tur pawh a tel thu sawiin, hetiangah sum tam tak a hmanna tura hman a ni lo hi pawi tiin PC. Chuauhnuna, Khawzawl Darngawn Veng chuan May 24 khan Lokayukta Chairperson hnenah Complaint a thehlut niin an sawi bawk.

Hetihlai hian Tourism Minister hlui, John Rotluangliana chuan Khawzawl Tourist Lodge sakna tur sum bo pakhatmah a awm loh thu thuthar thehdarhtu \henkhat ten an kawmna ah a sawi thung a. Khawzawl Tourist Lodge sak zawhna tur hian NEC a\angin cheng nuai 67.49 chu March ni 29, 2018 khan Mizoram sawrkar Tourism Department Account-ah rawn thun/pek tawh a nih thu sawiin, “MNF Vigilance Committee te hian hriatchian an duh chuan an Minister hnenah zawt rawh se,” a ti a. Sawrkar laipui a\anga Mizoram Tourism Department-in pawisa a lo dawn tawh dan sawiin, “Sawrkar laipuia Congress (UPA) sawrkar lai khan Mizoram Tourism Department tan PIDDC Scheme hnuaiah cheng nuai 7092.68 sanction a ni a. Hemi hnuaiah hian Mizoram-ah Project 19 kalpui a ni a, 1st Installment cheng nuai 2868.81 hmuh a ni a, hei hian Mizoram-ah hna thawh a ni a. BJP an lo sawrkar khan PIDDC hi an rawn titawp ta vek a. Khawzawl Tourist Lodge pawh hi PIDDC scheme hnuai niin chhunzawm theih loh zingah a tel a ni,” a ti a, Project thawh zawh nan hian NEC lamah te project siam mai turin tih an nih thu a sawi bawk.