MPSC hnathawk muang lutuk MSU in pawi ti

Mizo Students’ Union (MSU) chuan Mizoram Public Service Commission (MPSC) in hnalak leh Departmental Exam a buatsaih kawnga hna a thawk muang lutuk chu pawi an tih thu sawiin, sutkian anih theih nana hma la turin thuneihtute an ngen.

MSU General Hqrs. hian nimin khan Aizawl-a MZP Pisa Pui-ah an President, Vanlalliana Khiangte kaihhruaia Executive Meeting neiin sawrkar hnuaia hnathawkte chungchang an sawiho a. MPSC chuan tunah hian Grade Pay 4200 chin a lak mek thu leh tunah hian Finance Department in hnalak a phalsak tawh, MPSC a hnathawk indaihloh avangin hna lak tur tam tak tangkhang a awm mek tih MSU chuan an sawi a. Heng te hian hna thar siam kawngah te, hnaruak hnawhkhah kawngah leh sawrkar hnathawk kaisanna turah harsatna tam tak a thlen tih sawiin, Mizo Zirlai hna zawng mek te leh sawrkar hnathawk tam takin an tuar mek tih an sawi a. Heng harsatna MPSC in a tawh mekte sukiang tur hian Mizoram sawrkar hnenah hna lak dan kalphung te ennawn a, Department hrang hrang a hnathawh inang te, a hran hrana exam tir tawh lova Combine Exam hmang a hnathawk la \hin turin an ngen a. MPSC a hnathawk indaihlo lutuk chu hnawhkhat vat turin an ngen bawk.