Latest News

Sialkal Range Development Council Cell Office hawng

Chief Minister, Zoramthanga chuan nimin khan Sialkal Range Development Council (SRDC) Cell Office thar chu Aizawl Venghlui-ah a hawng a. SRDC hi Sialkal area huamchhunga khua paruk (6) hmasawnna enkawl tura din niin, Lengteng MLA kaihhruaina hnuaiah a awm a, he Council hian Lengteng leh Champhai North Constituency a huam a ni.
Sialkal Range Development Council (SRDC) Cell Office hawnna hunah hian Chief Minister chuan India sawrkar chuan mipui rawng a bawl dan kalphungah hmun khata thuneihna dah vek lova inrelbawlna chansawm chu a duh dan a nih thu sawiin, hmasawnna rualkhai tak nei tur chuan a sang ber a\anga a hniam ber thlenga mipui mamawh hriatchian a \ul \hin thu te, mipui ten neitu nihna an chan chu a pawimawh thu leh chu chu tunah pawh an kalphung a nih thu a sawi a. Sialkal Range Development Council hruaitute pawhin an huamchhunga mipui mamawh te hrechiang a, rampum mipuite kan zavaia hmasawnna hna thawhho theihna a ni tih hre reng chunga \hahnemngai taka thawhpuiah a sawm bawk.
SRDC Cell Office thar hawnna hunah hian SRDC Chairman leh Lengteng bialtu MLA ni bawk, L. Thangmawia pawhin thu sawiin, SRDC in Cell Office thar an nei chu lawmawm a tih thu a sawi a. Council in zirna tihmasawn tura hma a lo lak tawh dan \henkhat tarlangin, zirlai tit\a leh taima te tan Mizoram pawna excursion a kalpui te, competitive exam a lut tura Coaching Class ngaihtuahpui tum te a nih thu a sawi a. Hriselna ngaih pawimawh a nih thu sawi bawkin, Council huamchhunga Sub-Centre te, Health Worker te an awmlohna zawngchhuak ndah tura hmalak bakah Agriculture, Horticulture leh ranvulh lama hlawk zawka kalpui dan tur ngaihtuah a nih thu a sawi bawk.
Sialkal Range Development Council hi kum 2012-a din kha niin SRDC Cell Office thar hawnna hun hi Ngopa SDO (Civil) leh SRDC Member Secretary ni bawk, Lalhruaitluangi chuan a kaihruai a ni.

Comments

Popular News (Last 30 Days)