Serchhip District-a Accredited Journalist te hnenah Accreditation Card sem a ni

Mizoram sawrkar in tunhnaia Accredited Journalist atana a pawm thar zinga Serchhip District chhunga mi 10 te hnenah nimin khan Serchhip DIPRO, K. Saitluanga MIS chuan Accreditation Card a semchhuak.
Nimin-a Serchhip DIPRO Office Chamber-a Accredited Journalist te hnena Accreditation Card semna hunah hian Serchhip DIPRO, K. Saitluanga chuan chanchinbu mite nena thawhhona \ha tak an nei chu lawmawm a tih thu sawiin, mipui tana thawk an nihna hriaa mipuite a \ha ber zel chhawpchhuah sak tum tlat \hin turin a ngen a. Chanchinbu mite chu an mawhphurhna hrechiang tura chahin, mipuite zirtirtu leh hruaitu an nihna hre thar turin a chah a. Chanchinbu-ah Editorial ngai pawimawh tur leh chu chu chanchinbu hmel lanna pawimawh tak a nih thu a sawi a, chanchinbu miten hawi lam bik leh \an lam bik ti lang lova, inbuk tawk taka an kal thiam a \ul thu sawiin, chanchinbute pawh a chhuah hun bi dik taka tichhuak hram hram zel tura \an la turin a ngen bawk.
He hunah hian Serchhip DIPRO chuan tunhnaia MIS Officers ten IIMC Delhi-a training an neihna chanchin tlangpui sawiin, an thil zir a\anga Journalists te tana hriat tur pawimawh hrang hrangte a sawi bawk a. MJA Serchhip District President, C. Ramengmawia pawhin Mizoram sawrkarin Accredited Journalist atana Serchhip District chhunga chanchinbu mite zinga mi 10 a rawn thlang chu lawmawm a tih thu sawiin, I&PR Department in thla hmasa lawka Tuirial HEP tlawh theihna remchang an siam sak avangin sawrkar chungah lawmthu a sawi a, Serchhip Press Club sak mek pawh chak taka kalpui zel a nih thu sawiin, Serchhip District MJA in sawrkar duhsakna an dawng chu lawmawm a tih thu a sawi bawk.
Tunhnaia Mizoram sawrkar in Accredited Journalist atan a pawm thar te hi an vaiin mi 141 an ni a, heng te hi Aizawl District-ah mi 60, Serchhip District-ah mi 10, Lunglei District-ah mi 19, Siaha District-ah mi 12, Cham-phai District-ah mi 13, Mamit District-ah mi 7 Kolasib District-ah mi 12 leh Lawngtlai District-ah mi 8 an ni a. Serchhip District a\anga Accredited Journalists mi 10 te hi Serchhip khua a mi 8 leh Thenzawl-a mi 2 an ni.

Comments

Popular posts from this blog

PAN CARD an tih teh fo hi - Laldinpuia