Ngenna zawm dan enfiah

Serchhip Sub-Hqrs. YMA hruaitute chuan Serchhip-a sawrkar Pisa leh zirna In a thawk te Mizo Hnam incheina-a inthuam tura an ngenna a hlawhtlin dan nimin khan enfiahin Mizo inthuamna a inthuam uar zel turin an ngen bawk.
Serchhip Sub-Hqrs. YMA Kumpuan Committee te chuan kumin February thla khan Serchhip khawpui chhunga sawrkar Pisa leh zirna In hrang hrangte chu Mizo inthuamna tilang thei thawmhnaw te inbel uar tura ngenin Chawlhkar tin nikhat, Nilaini apiang chu Mizo inthuam-a inthuam Ni atan hmang turin an ngen a. He ngenna hi Serchhip District Bawrhsap hnenah pawh thlenin ani pawh hian sawrkar Pisa hrang hrangah Circular tichhuakin he ngenna hi alo puanzar sak tawh a ni.
He an ngenna a hlawhtlin dan hi nimin khan enfiahna neiin hetah hian YMA hruaitute chu Group pali (4)-ah in\henin Serchhip-a sawrkar Pisa hrang hrangte chu an tlawhkual a, he ngenna an lo siam tawh hi sawrkar Department tam tak chuan \ha taka an zawm laiin ala zawm lemlo Department te pawh hmuh tur an awm a. Serchhip Sub-Hqrs. YMA hruaitute chuan an ngenna ngai pawimawh leh Mizo inthuamna tilang thei thawmhnaw inbel hmuh tur tam tak an awm leh Department \henkhat ah chuan thawktu zawng zawng ten \ha taka an zawm chu lawm-awm an tih thu an sawi a. Chutihlaiin an ngenna la zawm lo Department \henkhat te pawh ngenna pe nawn lehin he an ngenna hi theihtawp chhuaha lo bawhzui pui turin an ngen a. Kan Mizo inthuamna te chu a ti dazat zawnga hmang lova, incheina atan hman chu thil pawimawh tak a nih thu an sawi bawk.

Comments

Popular posts from this blog

PAN CARD an tih teh fo hi - Laldinpuia