Mithiam rualin FAW chet dan rawn zirchiang \an

Tunlaia Mizoram hmun hrang hranga loneitute Vaimim chin leh thlai \henkhat eichhetu, Fall Armyworm puang mek zirchiang tura Mizoram Sawrkarin phailam a\anga mithiam rual a chah chhuah te chuan nimin tlai dar 2:30 khan Lengpui Airport a\angin Mizoram an rawn thleng a, nimin tlai vek khan Lengpui chhehvela Fall Armyworm in Vaimim huan a beihte chu a hmunah kalin an zirchiang nghal a ni.

Nimina mithiam lo kalte hi JC. Shekhar, Principal Scientist and AICRP Principal Investigator (Entomology), WNC, ICAR-IIMR, Hyderabad; Dr. SB. Suby, Scientist (Entomology), ICAR-IIMR, Delhi Unit; Dr. LK Reddy, Entomologist, MRC, PJTSAU, Hyderabad leh Dr. SL Jat, Scientist (Agronomy), ICAR-IIMR, Delhi Unit te an ni a. Heng mithiam rualte hi Dr. Vanlalhruaia Hnamte, Head and Senior Scientist, KVK Thenzawl, James Lalsiamliana, Joint Director, Agriculture, Dr. Sauraj Saha, Scientist, ICAR Kolasib, C. Lalthlamuana, Deputy Director, Plant Protection leh Dr. Samuel Lalliansanga, Insecticide Analyst, Directorate of Agriculture (R&E) ten an \awiawm a. Vawiin-ah Dialdawk-ah kalin, Vaimim huan pathum-a Fall Armyworm chetna an enfiah leh ang.