Kumin ah MRB in hlep ngah

Mizoram Rural Bank (MRB) chuan Financial Year 2018-19 chhungin hlep (Net Profit) cheng Vbc. 8.42 an nei a. Kumin Financial Year a\angin Community Hall Loan pe chhuak turin ruahmanna thar an siam tih nimin khan khan MRB Chairman, V. Jaya Chandra chuan thuthar lakhawmtute a hrilh.
MRB Head Office Zar-kawt-a thuthar thehdarhtute a kawmna hunah hian MRB Chairman chuan, Mizoram Rural Bank hnathawh leh hmachhawp hrang hrang a sawifiah a. Mizoram-ah MRB account nei mi 8,74,688 an awm mek thu leh Branch 85 an nei mek tih sawiin, “Financial year tharah Branch 5-10 hawn thar tum a ni a, Regional Office pawh Lunglei-ah hawn thuai a ni ang,” a ti.
MRB Chairman chuan March ni 31, 2018-ah MRB sum lakluh chu cheng vbc. 190.68 chu March ni 31, 2019-ah chuan Vbc. 243.24 a pun chhoh thu a sawi a. MRB-a sum dahluh March ni 31, 2018-ah Vbc. 2147.95 anih laiin March ni 31, 2019-ah chuan Vbc. 2595.05-in a pung chho tih a sawu, a punna hi Vbc. 447.10 anih thu a sawi a. MRB-a sum lut leh loan a pek chhuah zawng zawng chu March ni 31, 2018-ah Vbc. 3237.28 anih thu leh March ni 31, 2019-ah Vbc. 3826.06 niin, a punna chu Vbc. 588.78 anih thu a sawi.
MRB Chairman chuan Community Hall Loan (CHL) pechhuak tura ruahmanna an siam chu NGO, Association, Society leh Kohhran te tan dil theih a ni dawn a, a tlem berah Nuai 10 a\anga \anin a tam berah vbc. 2 thleng pek theih a ni dawn a. A pung (interest) chu Vbc. 1 thleng 13.5% a ni ang a, Vbc. 1 chung lamah 13.5% a ni ang. MRB hian Corporate Social Responsibility (CSR)-ah nuai 28 an hmang tawh a, kumin a HSLC Top 3-te hnenah Laptop leh pawsa fai pein, zirlai hlawhtling leh khawsak harsa tak, Given Lawmnakima pawh a bikin CSR a\angin Laptop leh pawisafai an pe bawk.

Comments

Popular posts from this blog

PAN CARD an tih teh fo hi - Laldinpuia