Serchhip District chhunga NFSM (CC) hnuaia Vaimim chin za zela 80 vel a chhe tawh

Serchhip District chhunga National Food Security Mission (NFSM) Coarse Cereals hnuaia Vaimim chin zinga za zeal 80 vel zet chu tunhnaia Fall Armyworm puang in a tichhe tawh a, NFSM hnuaia Vaimin chin bakah khaw hrang hranga Vaimim chin te pawh Fall Armyworm hian a tichhe mek bawk.

Serchhip District Agriculture Office a\anga thu kan dawn danin kum 2018-2019 chhung hian National Food Security Mission (NFSM) Coarse Cereals hnuaiah Serchhip District chhung khaw 13-ah Vaimim hi chinga hma lak a ni a, heng khaw 13-ah hian chhungkaw 660 ten ram hactare 815-a zau-ah Vaimim hi an ching a, amaherawh chu tunhnaiah Vaimim eichhetu Pangang, Fall Armyworm chu Mizoram-ah nasa taka a puan avang leh he Pangang hian Serchhip District chhunga Vaimim hmun te pawh nasa taka a beih avangin National Food Security Mission (NFSM) Coarse Cereals hnuaia Vaimim chin a\anga za zela 80 vel zet chu a chhia nia chhut a ni a, heng baka tuna Vaimim an la tihchhiat loh te pawh hi Vaimim an chin tlai avanga \iak tlai te nia an hriat thu Serchhip DAO Office a\anga kan thudawn chuan a sawi bawk.

Serchhip District chhunga National Food Security Mission (NFSM) Coarse Cereals hnuaia Vaimim chinna khua Fall Armyworm avanga harsatna tawk te hi Ngentiang, Hualtu, Lungpho, Sailulak, East Lungdar, Piler, Sialsir, Khawlailung, Chekawn, Bungtlang, Chhingchhip Mualpui leh Chhingchhip Venghlun te an ni a, Vaimim chinna tho Buhkangkawn khua a\ang erawh chuan Fall Armyworm avanga harsatna an tawh thu hi dawn a ni lo a, heng bakah hian NFSM Coarse Cereals in a huam loh khaw dang- Thinglian, Hmun\ha, Hmawngkawn, North Vanlaiphai, Serchhip leh Chhiahtlang khua a\ang pawhin Fall Armyworm in Vaimim a beih thu hi dawn ni tawhin heng khua te hi Agriculture Department-a mithiam te chuan tlawhin Lo engemaw zat an tlawh bakah loneitute kokhawmin Fall Armyworm laka an Vaimim te venhim dan tur leh a enkawl dan tur an zirtir tawh a, a mamawh te hnenah rannung thahna hlo (Chlorpyriphos leh Dichlorvos) te pawh an sem nghal bawk a ni.

Agriculture department hotute sawi danin, Vaimim eichhetu Fall Armyworm hi tuna report an dawn chian tawh chinah Mizoram District zawng zawng a tuam chhuak tawh a, khaw za chuanga Vaimim chinna hmun a bei tawh a. Tuna Mizoram boruak celsius degree 30-35 vel chu inthlahpunna atana an duhthusam niin hei vang hian inthlahpung chak hle tura ngaih an ni a. Tunah hian Vaimim chu an bitum deuh ber ni mah se, thlai dang pawh an ei chhe thei a. Mizoram-a kan thlai chin ang chi hi chu an ei duh zawng a ni vek tih a sawi a. Vaimim a ei zawha a bitum leh tura rin ber chu buh a nih thu leh Zikhlum, Tomato leh Fu te pawh an ei duh zingah a tel a ni.

Agriculture Department hotute chuan, Fall Armyworm thahna atana an hlo hman chuan thlai tichhe thei lo rannung dang a tih rem tel theih avangin fimkhur takin an hmang tih an sawi a, hmun \henkhatah chuan chemical ni lo, Bio Pesticide an hman thu sawiin, Pangang thahna tura hlo an hman te chu a hman dan a dik loh chuan mihring tan pawh a hlauhawm thei tih an sawi a, Department mithiam te rawn hmasa lo chuan hmang lo turin loneitute an chah bawk.