Latest News

HSSLC Exam result tihchhuah ah 78.94% in pass

Kum hmasa aiin pass percentage a hniam zawk

Mizoram Board of School Education (MBSE) chuan nimin khan kumin a pawl 12, Higher Secondary School Leaving Certificate (HSSLC) Exam result a tichhuak a, zirlai Exam zawng zawng a\anga za zela 78.94 in pass-in kum hmasa aiin 1.55% in pass an tlem zawk a ni.

Higher Secondary School Leaving Certificate (HSSLC) Exam Result hi nimin chawhma dar 11:30 khan Mizoram Board of School Education (MBSE) chuan a ti chhuak a. Kum hmasa lamah 80.49% pass laiin kum 2019-ah hian 78.94% an pass thung a. MBSE Chairman, Lianhmingthanga chuan, kum hmasa lam aiin pass mpercentage chhe zawk mahse quality a \ha zawk tih sawiin, zirtirtuten Syllabus an bel a, zirna in a \hatpui zawk niin a sawi. Kumin a HSSLC Exam-ah hian Exam tura inziaklut mi 10,876 zingah mi 10,616 in an exam a. Zirlai mi 8380 an pass chhuak a, mi 2030 an Failed a, mi 260 zet Exam lehlo an awmin, Exam laia hnawhchhuah an awm lo thung.
Kumin hian mipa aiin hmeichhe Exam beitu an tam leh zawk a, Exam hmachhawntu hmeichhia 5637 an awm laiin mipa 5237 an awm thung a. Kumin hian Distinction-a pass mi 567 awmin First Division-ah mi 2800, Second Division-ah 3289 leh Third Division-ah 1724 an pass a, Pass vek School 43 an awm laiin Failed vek School pathum (3) an awm thung.
Arts Stream bikah zirlai exam tura inziaklut 8215 zingah zirlai 7990 in exam beiin, mi 6147 in an pass a, Distinction-ah mi 352, First Division-ah mi 1752, Second Division-ah 2467 leh Third Division-ah 1576 pass in Compartmental chance nei mi 169 an awm a, mi 1674 an Failed a, pass percentage chu 76.93% a ni a. Top 10-ah mi 12 langin, C. Lalvenhimi d/o Chawnghmingthanga, Rev. Saiaithanga Mem. Higher Secondary School Aizawl chuan mark 500 ah 462 hmu in pakhatna a ni.
Science Stream-ah zirlai exam tura inziaklut 2147 zingah zirlai 2119 in Exam beiin, mi 1777 in an pass chhuak a, Distinction-ah mi 164, First Division-ah mi 897, Second Division-ah 634 leh Third Division-ah 82 pass in Compartmental chance nei mi 34 an awm a, zirlai 308 an Failed a, pass percentage chu 83.86% a ni a. Top 10-ah mi 13 langin Lalrintluanga Tlau S/o Vanlalhriata leh Akash Jyoti Sahoo S/o Uttam Kumar Sahoo St. Pauls Higher Secondary School, Aizawl te chuan mark 465 hmu in pakhatna an ni bawk.
Commerce Stream-ah zirlai exam tura inziaklut mi 514 zingah zirlai 507 in exam beiin, mi 456 in an pass a, Distinction-ah mi 51, First Division-ah mi 151, Second Division-ah 188 leh Third Division-ah 66 pass in Compartmental chance nei mi 3 an awm a, mi 48 an Failed a, pass percentage hi 89.94% a ni a. Top-10 ah mi 10 langin Mark 453 hmutu C .Lalnunhlimi d/o C. Vanlalmuana, Oikos HSS, Aizawl chu pakhatna a ni bawk.

Comments

Popular News (Last 30 Days)