Press Accreditation Card sem

Nimin khan I&PR Secretary leh Press Accreditation Committee Chairman ni bawk, Sang-dingliana hovin Aizawl-a I&PR Auditorium-ah Press Accreditation Card semchhuahna hun hman a ni.

Press Accreditation Card semchhuahna hunah hian I&PR Secretary chuan Accredited Journalist ni tura Press Accreditation Committee in uluk taka a thlanchhuah Accreditation Card dawngtute zawng zawng a lawmpui thu sawiin, \angkai taka hmang turin duhsakna a hlan a. Journalist-te chu an thuziak leh puanzarin ram inrel-bawlna thlenga nghawng a neih theih avangin an pawimawhna hre thar tur leh an thuziak te uluk lehzuala endik thin turin a fuih bawk.

He hunah hian I&PR Director leh Press Accreditation Committee Secretary ni bawk, David L. Thangliana pawhin Accredited Journalist te chu an dinhmun a pawimawh em avangin Journalist zingah pawh uluk taka thlanchhuah an ni, a ti a. Sawrkar pawhin ham\hatna a pe a, zin nikhua ah pawh an hmang \angkai thei tih sawiin, Card dawngtute chu zahawm taka invawng turin a chah bawk.  MJA General Hqrs. President, Zonunsanga Khiangte pawhin Accredited Journalist ni tura sawrkarin a thlanchhuahte chu sawrkar hmalakna leh function taima taka puanzar te, sawrkar ni pawimawh Republic Day, Independence Day leh a dangte ngaih pawimawh te chu an mawhphurhna a nih thu a sawi bawk.

March ni 7, 2019-a Press Accreditation Committee \hukhawm chuan Accredited Journalist ni thei tur Mizoram pum a\angin mi 141 a thlangchhuak a. Heng te hi Aizawl District a\angin mi 60, Lunglei District a\angin mi 19, Siaha District a\angin mi 12, Champhai District a\angin mi 13, Kolasib District a\angin mi 12, Serchhip District a\angin mi 10, Lawngtlai District a\angin mi 8 leh Mamit District a\angin mi 7 te chu Accredited Journalist tura thlan an ni. Press Accreditation Card hi kum hnih (2) chhung a nung dawn a ni.