Naupang Kaw\halo natna titlem turin Mizoram-ah Rota Virus Vaccine hman a ni dawn

Naupang Kaw\halo natna thlentu tam ber, Rota Virus venna atan Mizoram-ah Rota Virus Vaccine chu hman \an a ni ve dawn ta a, he Vaccine chungchang zirhona hi nimin khan Aizawl-ah neih niin Rota Virus Vaccine hi Vaccine dang chi hrang hrang Health Department-in a pek \hin (Routine Immunisation) a tel tur a ni.

Rota Virus Vaccine chungchang zirhona hi nimin khan Aizawl a Directorate of Health Services, Conference Hall-ah neih a ni a, Rota Virus Vaccine hi naupang kar 6, kar 10 leh kar 14-a upa te dose 3, far 5 zela pek \hin tur a ni a. Medical mi, Rota Virus chungchanga training nei ten vaccine hi naupang an pe tur a ni a. State Level leh District Level training-te zawhfel a nih hnuah June thla emaw, July thla emaw chhunga pek \an tura ruahman a ni. Rota Virus hi kaw\halo natna thlentu tam ber a ni a, Naupang damlohna leh damdawi In hial thlen \hintu a ni bawk a. A natna enkawlna atan chhungkua ah sum tam tak senralna bakah thihna hial thlen thei a ni bawk a. He Rota Virus Vaccine hian Rota Virus avanga naupang kaw\halo natna thleng tur lakah 40 % a\anga 60% in a veng thei dawn nia chhut a ni a. India hmarchhak a State hrang hrang zingah Tripura leh Assam ten he Vaccine hi a hma lamah an lo pe \an tawh a. Tun dinhmunah chuan Mizoram bakah NE state dang la pek lohna zawngah pek \an turin Ministry of Health & Family Welfare, Govt. of India chuan ruahmanna siamin, Health Department-in Vaccine chi hrang hrang a pek \hin, Routine Immunisation-a tel tur niin Routine immunization (a nawlpuia vaccine pek \hin) zingah khawvel ram 96 te chuan an telh tawh a, Private Hospital leh Private Medical mi ten kum tam tak chhung he Vaccine hi an lo pe tawh bawk a ni.
Nimin a Rota Virus Vaccine chungchang zirhona hi State EPI Officer, Dr. Lalzawmi chuan kaihruaiin NHM Mission Director, Dr. Eric Zomawia chuan he hun buatsaih a nih chhan te a sawi a, UNICEF (North East) a\angin Dr. Tudhar Rane, Chief of Field Office chuan Rota Virus Vaccine pek ve a \ul chhan leh India ram state hrang hranga he Vaccine pek a lo nih tawh dante a sawi a. He hunah hian WHO leh UNICEF aiawhte bakah Zoram Medical College aiawhte, District hrang hranga Immunisation Officer te, District zawng zawnga Medical Officer te, Nursing School hrang hrang Tutor bakah helama mawh-phurhna nei hrang hrangte an tel a, ruahman lawk ang chuan Vawiin ah chhunzawm leh tur a ni ang.
Hemi chungchanga Health Department thuchhuah chuan Rota Virus Vaccine hi Scientific taka WHO-in him tawkah a puan a ni tawh a. Mi tupawhin ngaihngam taka naupang hnenah Rota Virus Vaccine hi pe tur leh hemi kawnga Health Department hmalakna te a theih ang anga \awiawm a pawimawh an tarlang bawk.

Comments

Popular posts from this blog

PAN CARD an tih teh fo hi - Laldinpuia