Vaimim hmun Hectare 2055-a zau khawih tawh

Mizoram District hrang hranga District Agriculture Officer te chuan tunlaia Mizoram puma Vaimim eichhetu Fall Armyworm in Vaimim chinna hmun Hectare 3150 an enfiah tawh a\angin Hectare 2055-a chu Fall Armyworm hian khawih chhe tawh tih Agriculture (Crop Husbandry) Director, Rohmingthanga chuan nimin khan Agriculture Minister hova Central YMA leh Agriculture Department te \hutkhawmah a sawi.
He hunah hian Agriculture Director, Rohmingthanga chuan Mizoram chhunga Vaimim chingtu chhungkaw 5308 te Vaimim chin eichhiat hi zaa 65.23 a nih tawh thu a sawi a. AH & Vety in ranchaw atana an lakna man Kg. 1 Rs. 21/- anga chhutin cheng nuai 647 man vel chu a tichhe tura ngaih a nih thu a sawi bawk.
Sawrkarin theihtawp chhuaha a tih rem dan leh a do let dan tur ruahmanna a siam te sawiin, Agriculture Joint Director hnuaiah Rapid Respond Team din a nih tawh bakah Commissioner Chairman-na hnuaiah State Level Committee din turin hma lak chhoh mek a nih thu a sawi bawk a. Strategic Plan siam niin, State Level-a Fall Armyworm Respond Team din ang chiahin District Level-ah pawh din niin tih tur leh hmalakna tur hrang hrang te chu DO leh DC te nena \angkawpa hmalakna tur hrang hrang ruahmanna siam a ni a, beih letna tura hmanraw hrang hrang mamawh te, chemical hrang hrang, Bio-Pesticide te, Safety Gear te hmanna tur ruahmanna a \ul ang ang siam a ni, a ti a. Rannung puanna hmun chhui zui zel turin ruahmanna pawh siam a ni a, hmun \henkhatah chuan Alternative Crops ngaihtuah pui tura ruahmanna siam a ni dawn bawk tih a sawi a. Heng bakah hian Mizoram chhunga hetiang lama mithiam a neih Academic institution hrang hrang ami te ho nen pawh thawkho turin ruahmanna siam a ni tih a sawi bawk.
Rohmingthanga chuan Agriculture Department chuan theihtawpa he rannung puang doletna tura Chemical Pesticide hman a nih avanga mi \henkhatin a nilo zawnga insawi\haih chu thil awm thei a ni tih sawiin, tun dinhmunah erawh he rannung hi a pun chak em avangin Chemical Pesticide tel lo chuan thunun theih a nih loh thu a sawi a. April ni 8 a\anga hriat \an he rannung hian tunah chuan rampum a tuam tawh a, a theih ang angin a thah remna hmanraw chak tak tak hman a ngai a, a \ul angin hm lak chhoh mek a ni, a ti bawk.
He Meeting-ah hian Agriculture Department leh Central YMA te chuan an thawhho theihna kawng inhrilhhriata chak taka hmalak an tum tih an sawi a. Central YMA President, Vanlalruata chuan tuna Mizoram in Fall Armyworm a hmachhawn mek chu Sawrkar leh Department in theihtawp ab chhuah hnuah tih theih piahlam a awm a nih chuan an theih chinah YMA chuan puih a hnial dawn lo tih a sawi bawk.

Comments

Popular posts from this blog

PAN CARD an tih teh fo hi - Laldinpuia