Serchhip SP in Serchhip-a tlawmngai pawl hrang hrang aiawhte a Pisa-ah a kawm

Serchhip District Superintendent of Police, R. Sathiyasundaram chuan nimin khan Serchhip-a tlawmngai pawl hrang hrang aiawhte leng-ah sawmin khawtlang tana hmalakna tur hrang hrang leh thawhhona \ha an neih theih dan tur a sawipui.

Nimin a SP Office Chamber-a SP in tlawmngai pawl aiawhte a kawmna ah hian SP chuan Serchhip khawpui chhunga NGO hrang hrang te nen thawhhona \ha tak an neih theihna tura inkawmna hun \ha an nei thei chu lawmawm a tih thu sawiin, MLA leh MP inthlan pawh NGO te thawhpuina avangin felfai leh ralmuang takin an nei thei tih a sawi a, Mizoram chu ralmuang hle mahse, District dang nen khaikhin ah pawh Serchhip District chu a ralmuang in Security chungchangah pawh harsatna an neilo chu lawmawm a ti takzet tih a sawi a, he hun a an inkawmkhawm chhan pawh lawmthu sawi a duh vang a ni pakhat tih a sawi bawk.

Serchhip SP, R. Sathiyasundaram chuan Serchhip District-a an hmalakna hrang hrang sawiin, Zan lamah khawpui chhungah Patrolling an neih \hin thu te, Serchhip khawpui chhungah Beat Post pathum (3)- New Serchhip, P&E leh Bazar leh Chhingchhip-ah Out-Post pakhat (1) siam tura ruahmanna kalpui mek a nih thu a sawi a, thil tisual ti leh a tuartute zingah kumtlinglo an awm theih \hin avangin engemaw hun chhung Police Station-a thlamuang leh ngampa taka an awm theih nan Serchhip Police Station-ah pawh Child Friendly Room hawn mai theih tura ruahman leh siam a nih thu a sawi bawk.

He inkawmkhawmna ah hian Sub-Hqrs. YMA, MUP, MHIP, MZP Hqrs. leh MJA aiawh te telin Serchhip Police ten hma la se an duhna hrang hrang te sawiin, rawtna te an thlen nghal a, an sawiho zingah zan lama Two Wheeler-a Exhaust dang vuaha ring tak tak a tlan \hin an ngaimawh thu te, Serchhip Bazar-a Beat Post awmna atan hmun remchang zawk zawn \ul an tih thu te, Motor kawng sir a Motor park \hin ngaihmawhawm an tih thu te, Pathiani tlai lama Khawtetlang leh Dawngzawl inkara \halai ualau taka ruihtheih thil nena leng \hin chungchang te a tel a, Serchhip khawtlang ralmuang taka a awm zel theih nan Police lam chuan hma an lak tur thu te leh thil sual titute man a, dan anga hrem an nih theih nan NGO te chu SP hian a sawm bawk a, rukruk thil zawrh leh lei chungchang ah mipui te fimkhur turin a chah bawk.

Serchhip SP, R. Sathiyasundaram hi Oct. 10, 2018 khan Serchhip-ah rawn awmin, MP Election dawn khan Mamit SP nen awmhmun inthlengin tunah hian Serchhip-ah a hna a rawn zawm ve leh tawh a, nimin-a NGO te a kawmna ah hian Addl. SP, PC. Lal\anpuia MPS leh SDPO, David Byhnadoalai MPS bakah Serchhip Police Station-a OC, Inspr.VL. Ramhluna ten an \awiawm a ni.